ലോകകപ്പ് ട്വന്റി-20യിൽ നിലവിലെ ചാമ്പ്യന്മാർക്ക്ശനിദശ

സൂപ്പർ 12-ൽ ഓസ്ട്രേലിയയെ വീഴ്ത്തി ന്യൂസിലൻഡ് കിവികളുടെ ജയം 89 റണ്ണിന്

സിഡ്നി: ലാ നിനയുടെ പ്രഭാവത്തിൽ പെരുമഴ പ്രവചിച്ച സിഡ്നിയിൽ ആദ്യം ന്യൂസിലൻഡ് വക റൺമഴ, പിന്നാലെ ഓസ്ട്രേലിയയുടെ വിക്കറ്റ് മഴ... ഒടുവിൽ കഴിഞ്ഞ ട്വന്റി -20 ലോകകപ്പ് കലാശപ്പോരിലേറ്റ പരാജയത്തിനു പലിശസഹിതം ന്യൂസിലൻഡ് കണക്ക് തീർത്തപ്പോൾ ശനിദശയെ പഴിച്ച് ഓസീസ് ആരാധകരുടെ കണ്ണീർമഴ ട്വന്റി-20 ക്രിക്കറ്റ് ലോകകപ്പ് സൂപ്പർ 12 ഗ്രൂപ്പ് ഒന്ന് പോരാട്ടങ്ങൾക്ക്  തകർപ്പൻ തുടക്കം.

ആദ്യം ബാറ്റ് ചെയ്ത ഓസ്ട്രേലിയ ടോസ് നഷ്ടപ്പെട്ട് ന്യൂസിലൻഡ് നേടിയത് മൂന്നു വിക്കറ്റിന് 200 റൺ. പടുകൂറ്റൻ ലക്ഷ്യത്തിലേക്കു ബാറ്റേന്തിയ ഓസ്ട്രേലിയ വെല്ലുവിളി ഉയർത്താതെ 17.1 ഓവറിൽ 111 റണ്ണിനു മുട്ടുമടക്കിയപ്പോൾ കിവീസിന് 89 റണ്ണിന്റെ ജയം. 58 പന്തിൽ രണ്ടു സിക്സും ഏഴു ഫോറുമായി പുറത്താകാതെ 92 റണ്ണടിച്ച് ന്യൂസിലൻഡ് ഇന്നിങ്സിന്റെ നെടുംതൂണാകുകയും ഓസീസ് ഇന്നിങ്സിൽ രണ്ടു ക്യാച്ചെടുക്കുകയും ചെയ്ത ഓപ്പണർ ഡെവൺ കോൺവേ കളിയിലെ കേമനായി.