മതകാര്യ പോലീസ് പിരിച്ചുവിട്ടു

ഹിജാബ് സമരത്തിനുമുന്നിൽ മുട്ടുമടക്കി ഇറാൻ 

ടെഹ്റാൻ രണ്ടു മാസത്തിലേറെയായി നീളുന്ന ഹിജാബ് വിരുദ്ധ സമരത്തിനു മുന്നിൽ മുട്ടു മടക്കി ഇറാൻ സർക്കാർ. വിവാദമായ മതകാര്യ പോലീസിനെ പിരിച്ചുവിട്ട് ഇബ്രാഹിം റെയ്സി ഭരണകൂടം.

ഹിജാബ് ശരിയായി ധരിക്കാത്തതിന്റെ പേരിൽ അറസ്റ്റിലായ മഹ്സ അമിനി(22) കഴിഞ്ഞ സെപ്റ്റംബർ പോലീസ് കസ്റ്റഡിയിൽ മരിച്ചതോടെയാണ് ഇറാനിൽ പ്രക്ഷോഭം തുടങ്ങിയത്. രാജ്യത്താകമാനം പടർന്ന പ്രക്ഷോഭം അടിച്ചമർത്താനുള്ള സർക്കാരിന്റെ ശ്രമം പരാജയപ്പെട്ടു. പലയിടത്തും യുവതികൾ പരസ്യമായി ഹിജാബ് കത്തിച്ച് പ്രതിഷേധം നടത്തി. ഇതോടെയാണ് മതകാര്യ പോലീസ് നിർത്തലാക്കാൻ ഇറാൻ സർക്കാർ തീരുമാനിച്ചത്.