മെസിക്കൊരു കപ്പ്

അർജന്റീനയ്ക്ക് കിരീടം 36 വർഷത്തിനുശേഷം നിശ്ചിത സമയം ഇരുടീമും 3-3 മെസിക്ക് ഇരട്ടഗോൾ, ഡിമരിയക്ക് ഒരു ഗോൾ

എംബാപ്പയുടെ ഹാട്രിക് പാഴായി
മെസിക്ക് ഗോൾഡൻ ബോൾ
ഗോൾഡൻ ഗ്ലൗ മാർട്ടിനസിന്
ഗോൾഡൻ ബൂട്ട് എംബാപ്പെയ്ക്ക്

ഖത്തറിൽ ആവേശത്തിന്റെ രസമാപിനി വാനോളമുയർത്തിയ ലോകകപ്പ് ഫുട്ബോൾ കലാശപ്പോരിൽ നിലവിലെ ചാമ്പ്യന്മാരായ ഫാൻസിനെ പെനാൽറ്റി ഷൂട്ടൗട്ടിൽ 3-2 നു കീഴടക്കി അർജന്റീന വിശ്വവിജയികൾ. നിശ്ചിത സമയത്ത് 2-2 നും അധികസമയത്ത് 3 -3 നും ഇരുടീമുകളും തുല്യത പാലിച്ചതോടെയാണ് ഷൂട്ടൗട്ടിൽ ലോകജേതാക്കളെ നിശ്ചയിച്ചത്. അർജന്റീനയ്ക്കായി ലയണൽ മെസി ഇരട്ടഗോൾ നേടിയപ്പോൾ എയ്ഞ്ചൽ ഡി മരിയയാണ് മൂന്നാം ഗോളിന് അവകാശിയായി. ഫ്രാൻസിനായി കിലിയൻ എംബാബെ ഹാട്രിക്കടിച്ചു.

ഷൂട്ടൗട്ടിൽ ആദ്യം കിക്കെടുക്കാനെത്തിയത് ഫൈനലിൽ ഹാട്രിക്കടിച്ച കിലിയൻ എംബാപ്പ. കിക്കെടുത്ത അതേദിശയിലേക്കു ചാടിയ എമിലിയോ മാർട്ടിനെസിന്റെ കൈയിൽത്തട്ടി പന്ത് വലയിൽ. ഫ്രാൻസ് 1-0. അർജന്റീനയ്ക്കായി ആദ്യ കിക്കെടുത്തത് സാക്ഷാൽ ലയണൽ മെസി. ഹ്യൂഗോ ലോറിസിനെ കീഴടക്കി മിശിഹ ലക്ഷ്യം ഭേദിച്ചു; സ്കോർ 1-1. ഫ്രാൻസിനായി രണ്ടാം കിക്കെടുത്ത കി കൊമാന്റെ കിക്ക് എമിലിയാനോ തട്ടിയകറ്റി. അടുത്ത കിക്കെടുത്ത പൗളോ ഡിബാല ലക്ഷ്യം ഭേദിച്ചു; അർജന്റീന 2-1.