നരേന്ദ്ര മോദിയെ അധിക്ഷേപിച്ചെന്ന കേസ് വിമാനത്തിൽനിന്ന് വിളിച്ചിറക്കി അറസ്റ്റ്

അറസ്റ്റിലായതു കോൺഗ്രസ് വക്താവ് പവൻ ഖേര ഡൽഹി പോലീസ് തടഞ്ഞുവച്ചു; അസം പോലീസ് അറസ്റ്റ് ചെയ്തു സുപ്രീം കോടതി ഇടപെട്ട് ഇടക്കാല ജാമ്യം ഡൽഹി വിമാനത്താവളത്തിൽ നാടകീയനീക്കങ്ങൾ വിമാനത്തിനു മുന്നിൽ കുത്തിയിരുന്ന് കോൺഗ്രസ് നേതാക്കൾ

ന്യൂഡൽഹി: പത്രസമ്മേളനത്തിൽ പ്രധാനമന്ത്രി നരേന്ദ്ര മോദിയെ അധിക്ഷേപിച്ചെന്ന കേസിൽ കോൺഗ്രസ് വക്താവ് പവൻ ഖേരയെ ഡൽഹി പോലീസിന്റെ സഹായത്തോടെ അസം പോലീസ് അറസ്റ്റ് ചെയ്തു.

ഖേര ഉൾപ്പെട്ട കോൺഗ്രസ് നേതസംഘം  റായ്പൂരിൽ ഇന്ന് ആരംഭിക്കുന്ന എ.ഐ.സി.സി. പ്ലീനറി സമ്മേളനത്തിൽ പങ്കെടുക്കാൻ പോകവേ ഡൽഹി വിമാനത്താവളത്തിലായിരുന്നു നാടകീയ സംഭവങ്ങൾ, ഒപ്പമുണ്ടായിരുന്ന എ.ഐ.സി.സി. ജനറൽ സെക്രട്ടറി കെ.സി. വേണുഗോപാൽ ഉൾപ്പെടെയുള്ള നേതാക്കളുടെ എതിർപ്പവഗണിച്ച് ഡൽഹി പോലീസ് വേരയെ ഇൻഡിഗോ വിമാനത്തിൽ നിന്നു വിളിച്ചിറക്കുകയായിരുന്നു. തുടർന്ന്, അസം പോലീസ് എത്തുന്നതു വരെ അദ്ദേഹത്തെ തടഞ്ഞുവച്ചു. അറസ്റ്റിലായ ഖേര പിന്നീട് സുപ്രീം കോടതി നിർദേശപ്രകാരം ഡൽഹിയിലെ ദ്വാരക കോടതി ഇടക്കാലജാമ്യം അനുവദിച്ചു.