ઈસુદાન ગઢવી દ્વારકા બેઠક પરથી ચૂંટણી મેદાનમાં ઝંપલાવે તેવી ચર્ચા

..તો ભાજપના પબુભા માણેક સાથે 'કાંટે કી ટક્કર' થશે

અમદાવાદ, શુક્રવાર

આમ આદમી પાર્ટી (આપ)ના મુખ્યપ્રધાનપદના ચહેરા ઈસુદાન ગઢવી રાજ્યના પ્રસિદ્ધ યાત્રાધામ દ્વારકાથી ચૂંટણીજંગમાં ઝંપલાવશે તેમ જાણવા મળ્યું છે, જોકે હજુ સુધી ‘આપ’ દ્વારા આને લઈ કોઈ સત્તાવાર જાહેરાત કરાઈ નથી.

ગુજરાત વિધાનસભાનો ચૂંટણીજંગ ‘આપ’ના પડકારથી ભારે રસપ્રદ બન્યો છે. અત્યાર સુધી ભાજપ અને કોંગ્રેસ વચ્ચે પરંપરાગત રીતે મુકાબલો થતો રહ્યો છે, જોકે ‘આપ’ના આક્રમક પ્રચારથી ચૂંટણીનો માહોલ બદલાયો છે અને લાંબા સમય બાદ વિધાનસભાની ચૂંટણીમાં ત્રિપાંખિયો જંગ ખેલાવા જઈ રહ્યો છે.