અધૂરી રહેલી ઈચ્છાઓનું દુઃખ મળેલા સુખને પણ દૂર રાખે છે

પોતાની જાત પ્રત્યે સકારાત્મક ભાવના અપનાવવી જોઈએ

માણસે ખરેખર જો જિંદગીને સારી રીતે જીવવાનો આનંદ માણવો હોય તો તેણે સૌ પ્રથમ પોતાની જાત પ્રત્યે સકારાત્મક ભાવના અપનાવવી જોઈએ. અને આવી બાબતમાં ક્યારેક માનવી લક્ષ્યવિહિન બની જાય છે. તેને કોઈવાર કંઈ સૂઝતું નથી કે તે શું કરે અને ન કરે. આવી સ્થિતિમાં જે તે વ્યકિતની પ્રસન્નતા અને જીવન જીવવાનો આનંદ છીનવાઈ શકે છે. આજના ફાસ્ટ જીવનમાં માનવી સતત સુખ અને શાંતિની શોધમાં અહીં તહીં ભટકતો જોવા મળે છે. ક્યારેક આવી સ્થિતિ માટે જે તે વ્યકિત જ જવાબદાર હોય છે કારણકે આજનો માનવી તેની અનેક અધૂરી ઈચ્છાઓ ના કારણે તે સતત દુ:ખમાં જીવતો હોય તેવું લાગે છે પરંતુ આવી બાબત માં તે તેને જે સુખ મળ્યું હોય છે તેને પણ સારી રીતે માણી શકતો નથી. અને તેની અધૂરી ઈચ્છાને પૂરી કરવાની લ્હાયમાં તે સતત તેને મળેલાં સુખથી દૂર થતો હોય તેવા અનેક દાખલા સમાજમાં જોવા મળતા હોય છે.