వ్యవసాయంలో 'ప్లాంట్ డాక్టర్లు'

వచ్చే మార్చి నుంచి అమలుకు ప్రణాళిక రైతు భరోసా కేంద్రాలకు అందుబాటులో డ్రోన్లు కల్తీ విత్తనాలు అమ్మేవారిపై కఠిన చర్యలు వ్యవసాయం, ధాన్యసేకరణపై సిఎం జగన్ సమీక్ష

వచ్చే మార్చి నుంచి అమలుకు ప్రణాళిక

రైతు భరోసా కేంద్రాలకు అందుబాటులో డ్రోన్లు

కల్తీ విత్తనాలు అమ్మేవారిపై కఠిన చర్యలు

వ్యవసాయం, ధాన్యసేకరణపై సిఎం జగన్ సమీక్ష

విజయవాడ, నవంబరు 7, ప్రభాతవార్త ప్రతినిధి: వ్యవసాయరంగంలో ప్లాంట్ డాక్టర్సు కాన్సెప్ట్ను వచ్చే ఏడాది మార్చి నుంచి అమలు కచ్చితంగా అమలు చేయాలని ఆంధ్రప్రదేశ్ ముఖ్యమంత్రి వైఎస్ జగన్మోహనరెడ్డి స్పష్టం చేసారు. ప్రతి రైతు భరోసా కేంద్రానికి వ్యవసాయాధికారి(ప్లాంట్) తరచు వెళ్ళాల్సిన అవసరాన్ని గుర్తించాలన్నారు.భూసార పరీక్షలు చేసే పరికరాలను ప్రతి రైతు భరోసా కేంద్రాల్లో అందుబాటులో ఉంచాలన్నారు.ఈ పరికరాలను అన్ని ఆర్బీకెల్లో అందుబాటులో ఉంటుంది లేని కచ్చితంగా వ్యవసాయాధికారులు గమనించి చర్యలు తీసుకోవాలన్నారు. ధాన్యం ధరల విషయంలో రైతుకు తక్కువ ధరకు అమ్ముకునే అవకాశం వచ్చిందనే మాట ఎక్కడా రాకూడద న్నారు. దీనిపై అధికారులు సవాల్గా తీసుకోవాల న్నారు. రబీ తరుణం వసున్నందున రైతులకు అన్ని సదుపాయాలు కల్పించేందుకు వ్యవసాయాధికారులు అన్ని చర్యలు తీసుకోవాలన్నారు. ఎరువులు విత్తనాలు అన్ని రకాలుగా రైతులకు కావాల్సి వన్ని సిద్ధం చేసుకోవాలన్నారు. ప్రతి రైతు భరోసా కేంద్రంలో ఒక డ్రోన్ ఉంచేలా కార్యచరణ సిద్ధం చేయాలన్నారు. సోమవారం ఆయన తాడేపల్లిలోని తన క్యాంప్ కార్యాలయంలో వ్యవసాయ శాఖ, ధాన్యం సేకరణపై సమీక్ష నిర్వహించారు. వచ్చే ఏడాది మార్చి నుంచి ప్లాంట్ డాక్టర్ కాన్సెప్ట్ను అమలు చేసేందుకు పూర్వరంగంలో ఏర్పాట్లు వేగవంతంగా జరగాలన్నారు.భూసార పరీక్షలు కారణంగా ఏఎరువులు వాడాలి?, ఎంతమేర వాడాలన్న దానిపై స్పష్టత వస్తుంద న్నారు. దీని వల్ల పెట్టుబడి తగ్గుతుందన్నారు.దిగుబడులు కూడా పెరుగుతాయన్నారు. భూసారాన్ని పరిరక్షించేందుకు అవకాశం ఏర్పడుతుందన్నారు.