పరిపూర్ణ ఆరోగ్యం కోసం..

ఆరోగ్యమే మహాభాగ్యం. ఆరోగ్యమే వ్యక్తి ప్రగతికి పునాది. ఆరోగ్యాన్ని ఖరీదు కట్టలేం.

- డా॥ బుర్ర మధుసూదన్

ఆరోగ్యమే మహాభాగ్యం. ఆరోగ్యమే వ్యక్తి ప్రగతికి పునాది. ఆరోగ్యాన్ని ఖరీదు కట్టలేం. ధనాన్ని సంపాదించవచ్చు. ఆ ధనాన్ని వెచ్చించి అనుకున్న వస్తువుల్ని కొనవచ్చు. డబ్బు ఖర్చు చేసి అంతరిక్షాన్ని ముద్దాడవచ్చు. ఆరోగ్యాన్ని మాత్రం డబ్బుతో వెలకట్టలేం.

ఒక వ్యక్తి సమాజంలో ఉన్నతంగా నిలబడడానికి సంపూర్ణ ఆరోగ్యం మాత్రమే కనీస అవసర అర్హత అని మనకు తెలుసు. అనారోగ్యంతో ఆసుపత్రి పడక మీద ఉన్నప్పుడు ఆరోగ్య ప్రాధాన్యం అవగతం అవుతుంది. తరుచుగా జబ్బు చేస్తే మనిషి మతి తప్పి నిరాశ పెరిగి శారీరక మానసిక శక్తి నశిస్తుంది. సాధారణంగా ఫ్లూ, జ్వరం, జలుబు, దగ్గు లాంటి అనారోగ్యాలు తరుచుగా అనుభవంలోకి వస్తాయి. జబ్బులతో రోగనిరోధకశక్తి క్షీణిస్తుంది. మన చుట్టు తిరిగే కొద్ది మంది మాత్రం సదా సంతోషంగా తిరుగుతూ, సరదాగా ఉంటూ ఆరోగ్యంగా ఉంటారు. వ్యక్తిగత ఆరోగ్యం వరించడానికి మన జీవనశైలిని కొంత మార్పు చేసుకొని జీవితాన్ని ఆస్వాదించడం నేర్చుకోవాలి. వ్యక్తిగత ఆరోగ్యానికి పునాదులుగా ఐదు అలవాట్లను గుర్తించారు.

శారీరక చురుకుదనం/వ్యాయామం