യോഗി ആദിത്യനാഥ് പ്രധാനമന്ത്രിയായാൽ....

ആർ.എസ്.എസ്സിനും ഹിന്ദുത്വവാദികൾക്കും യോഗി എന്തുകൊണ്ട് പ്രിയങ്കരനാകുന്നു ?

- ചെറുകര സണ്ണീലൂക്കോസ്

നരേന്ദ്രമോദിക്കുശേഷം ബി.ജെ.പിയുടെ പ്രധാനമന്ത്രി സ്ഥാനാർത്ഥി ആരായിരിക്കും എന്ന ചോദ്യത്തിന് ആരും പെട്ടെന്ന് ഉത്തരം പറയുക മോദിയുടെ വളർച്ചയിലും ഉയർച്ചയിലും ഒരു പട തലവനായി എന്നും കൂടെയുണ്ടായിരുന്ന അമി ത്ഷായുടെ പേരായിരിക്കും. എന്നാൽ ആർ.എസ്.എസ് വൃത്തങ്ങളിൽ അമിത് ഷായേക്കാൾ സാധ്യത കൽപ്പിക്കപ്പെടുന്നത് ഉത്തർപ്രദേശ് മുഖ്യമന്ത്രി ആദിത്യനാഥിനാണ്.

നരേന്ദ്രമോദിയും യോഗി ആദിത്യനാഥും തമ്മിലുള്ള ബന്ധം അത്ര നല്ലതൊന്നുമായിരു ന്നില്ല എന്ന കാര്യം രഹസ്യമായിരുന്നില്ല.എന്നാൽ നിഥിൻ ഗഡ്കരിയെ നേതൃനിരയിൽ നിന്ന് വെട്ടിയതുപോലെ യോഗിയെ വെട്ടാൻ കഴി ഞ്ഞിട്ടല്ല. യോഗിക്ക് ആർ.എസ്.എസിന്റെ ശക്ത മായ പിന്തുണയുണ്ടെന്നതുതന്നെയായിരുന്നു അതിനുകാരണം. 2024 ലോക്സഭാ തെരഞ്ഞെടു പിന് നേതൃത്വം നൽകുന്ന ഉന്നതതല സംഘ ത്തിൽ ബി.ജെ.പി ഉൾപ്പെടുത്തിയ ഏക പാർട്ടി മുഖ്യമന്ത്രിയാണ് യോഗി ആദിത്യനാഥ്. ആഭ്യന്ത രമന്ത്രി, അമിത്ഷാ, ബി.ജെ.പി അദ്ധ്യക്ഷൻ ജെ.പി. നദ്ദ, പ്രതിരോധ മന്ത്രി രാജ്നാഥ് സിംഗ്, ദേശീയ ജനറൽ സെക്രട്ടറി ബി.എൽ. സന്തോഷ് എന്നിവരാണ് മറ്റ് 4 നേതാക്കൾ. ആർ.എസ്.എസ് നിർദ്ദേശപ്രകാരമാണ് യോഗിയെ സമിതിയിൽ ഉൾപ്പെടുത്തിയത്.

എന്താണ് യോഗി ആദിത്യനാഥിനോട് സംഘ പരിവാർ നേതൃത്വങ്ങൾക്കുള്ള പ്രത്യേക താൽപ്പര്യം? ആരായിരുന്നു മുമ്പ് യോഗി?

ഫോറസ്റ്റ് ഉദ്യോഗസ്ഥനായിരുന്ന ആനന്ദ് സിംഗ് ബിഷ്തിന്റേയും സാവിത്രിയുടെയും മകനായി 1972 ജൂൺ 5 നാണ് ഉത്തരാഖണ്ഡിലെ ഗർവാളിലുള്ള പഞ്ചൂർ ഗ്രാമത്തിൽ അജാ ഹൻ സിംഗ് ബിഷ് ജനിച്ചത്. ഉത്തരാഖണ്ഡിലെ എച്ച്.എൻ.ബി ഗർവാൾ യൂണിവേഴ്സിറ്റിയിൽ നിന്ന് ബി.എസ്.സി ബിരുദം നേടി പഠനം പൂർത്തിയാക്കി. അയോദ്ധ്യയിൽ രാമക്ഷേത്രം പണിയുക എന്നതായിരുന്നു എ.ബി.വി.പിക്കാര നായിരിക്കുമ്പോഴേ തീവ്രഹിന്ദുത്വവാദിയായി മാറിയ അജാഹന്റെ ഏറ്റവും പ്രധാന ആഗ ഹം. 1993 ൽ വീട്ടുവിട്ടിറങ്ങിയ യോഗി,അയോദ്ധ്യാ രാമക്ഷേത്രപ്രസ്ഥാനത്തിന്റെ ഭാഗമായി.

പിന്നീടാണ് ഗോരഖ്നാഥ് ആശ്രമത്തിൽ എത്തുന്നത്. അന്ന് ആശ്രമത്തിന്റെ തലവനായിരുന്ന മഹന്ത് അവൈദ്യനാഥിന്റെ ശിഷ്യനായി സന്യാസിദീക്ഷ സ്വീക രിച്ചു. അതിനുശേഷം അദ്ദേഹത്തിന് യോഗി ആദിത്യ നാഥ് എന്ന പേര് നൽകുകയും മഹന്ത് അവൈദ്യനാ ഥിന്റെ പിൻഗാമിയാകുകയും ചെയ്തു. ഗുരുവിന്റെ മരണ ശേഷം 2014 സെപ്റ്റംബർ 12 ന് ഗോരഖ് നാഥ് ആശ്രമ ത്തിന്റെ മഹാപുരോഹിതനായി നിയമിക്കപ്പെട്ടു. മുഖ്യമ തിയായിട്ടും ആ പദവി ഒഴിയുകയുണ്ടായില്ല.