പരമോന്നത സഭാകോടതി കുറ്റവിമുക്തനാക്കി

സീറോ മലബാർസഭ മേജർ ആർച്ച് ബിഷപ്പ് കർദ്ദിനാൾ മാർ ജോർജ്ജ് ആലഞ്ചേരി കൂടുതൽ കരുത്തോടെ

- മൈക്കിൾ വർഗ്ഗീസ് ചെങ്ങാടക്കരി

സീറോ മലബാർസഭ മേജർ ആർച്ച് ബിഷപ്പ് കർദ്ദിനാൾ മാർ ജോർജ്ജ് ആലഞ്ചേരിക്ക് ആശ്വസി ക്കാം. എറണാകുളം അങ്കമാലി അതിരൂപതയിലെ ഭൂമിയിടപാടിൽ കുറ്റക്കാരനല്ലെന്ന് അന്തിമവിധി വന്നി രിക്കുന്നു. സഭയുടെ പരമോന്നത നീതിപീഠമായ സുപ്രീം ട്രിബ്യൂണലാണ് ഒരു വിഭാഗം പുരോഹിതർ നൽകിയ അപ്പീൽ തള്ളിക്കൊണ്ട് അന്തിമവിധി പ്രഖ്യാ പിച്ചിരിക്കുന്നത്.

31-1-2023 ൽ ഇതുസംബന്ധിച്ച അന്തിമവിധി വന്ന താണ്. ഈ വിഷയം പൊതുസമൂഹത്തിലെത്തിച്ചു സങ്കീർണ്ണമാക്കിയവർ അന്തിമവിധി വന്നു എന്ന സത്യം വിളിച്ചു പറഞ്ഞില്ല. മാധ്യമങ്ങളും അവ ഗണിക്കുകയായിരുന്നു.

കൃത്യമായ വേട്ടയാടൽ

ആക്രമിച്ചും അധിക്ഷേപിച്ചും മതിയായെങ്കിൽ ഇനിയുമെങ്കിലും വെറുതെ വിട്ടുകൂടേ? ചോദിക്കുന്നത് സീറോമലബാർ സഭയിലെ ഭൂരിപക്ഷം വരുന്ന വിശ്വാ സികളാണ്. കാരണം സഭാചരിത്രത്തിൽ ഇന്നോളം കാണാത്ത തരത്തിലുള്ള സംഭവവികാസങ്ങളാണ് സീറോമലബാർ സഭയുടെ കീഴിലുള്ള എറണാകുളംഅങ്കമാലി അതിരൂപതയിൽ നടന്നുവരുന്നത്. വത്തി ക്കാൻ പോലും ആദരവോടെ കാണുന്ന ഒരു മഹദ് വ്യക്തിയെ, കർദ്ദിനാൾ മാർ ജോർജ്ജ് ആലഞ്ചേരിയെ വൃഥാ ആരോപണങ്ങൾ നിരത്തി സഭയിലും പൊതു സമൂഹത്തിലും ഹീനമായ രീതിയിൽ ആക്ഷേപിക്കുക യായിരുന്നു. ഇതിന്റെ യഥാർത്ഥ കാരണം മറ്റു പലതു മാണെങ്കിലും പുറമെ പറഞ്ഞിരുന്നത് എറണാകുളംഅങ്കമാലി അതിരൂപതയുടെ കീഴിലുള്ള ഭൂമി വിൽപ്പനയെക്കുറിച്ചാണ്. അതിൽ സഭയ്ക്ക് ഭീമമായ നഷ്ടം വന്നു എന്നാണ് ചിലർ പറഞ്ഞു പരത്തിയത്. സഭ യ്ക്കുള്ളിൽ ഒതുക്കി നിർത്തി അന്വേഷിക്കേണ്ട വിഷയം പൊതു സമൂഹത്തിലെത്തിച്ചതും ചില തൽപരകക്ഷികളാണ്. അവർക്കുവേണ്ടത് വിഷയം പരിഹരിക്കലായിരുന്നില്ല. ഏതു വിധേനയും ആല ഞ്ചേരി പിതാവിനെ പുറത്താക്കുക എന്നതായിരുന്നു. അത് നടന്നില്ല എന്നത് മറ്റൊരു കാര്യം ഇപ്പോഴും പരിശ്രമിക്കുന്നുണ്ടെങ്കിലും.

വിവാദമായ ഭൂമിയിടപാടുതന്നെ പറഞ്ഞു പർവതീ കരിച്ചതാണ്. മുമ്പും ഒരുപാടു ചർച്ച ചെയ്യപ്പെട്ടതായ തുകൊണ്ട് അതിലേക്ക് കൂടുതൽ കടക്കുന്നില്ല. പക്ഷേ ഒരു കാര്യം മാത്രം പറയാം. ഈ ഭൂമി വിവാദം പോലും കെട്ടിച്ചമച്ചതാണ്. ഭൂമിയുടെ വില മുഴുവൻ പണമായി നൽകാൻ വാങ്ങിയ ആൾക്ക് കഴിയാതെ വന്നപ്പോൾ രണ്ട് സ്ഥലങ്ങളിലായി ഇരുപത്തഞ്ചും പതിനേഴുമായി നാൽപ്പത്തിരണ്ടേക്കർ സ്ഥലം എഴുതിവാങ്ങി പ്രശ്നം പരിഹരിച്ചതാണ്. 25 ഏക്കർ വരുമാന മുളള റബ്ബർ തോട്ടമാണുതാനും. ഇതൊന്നും കണ്ടില്ലെന്നു നടിച്ചാണ് കോടതിയിൽ പോയത്.