ഓടിച്ച് ഓടിച്ച് പോകാം

ഒരിക്കലെങ്കിലും സ്വപ്നം കണ്ട യാത്ര. ബൈക്കെടുത്ത് പറന്നു പറന്ന്... ഒരു ആ യാത്രയിലേക്ക് വഴി തെളിക്കുന്ന പത്ത് റൂട്ടുകളിതാ.

- ASHWARA SIVAN

കാറ്റിനെ വകഞ്ഞ് മുന്നോട്ട്. അപ്പോൾ കാഴ്ചകളും കാലവുമൊക്കെ പിന്നോട്ട് മായും. നിമിഷങ്ങളെ അതിവേഗം ഓർമകളാക്കി ഒരു ടൂവീലറിലങ്ങനെ ഒരു പോക്ക് ചിലപ്പോൾ ഒറ്റയ്ക്ക്. ഒരു പില്ല്യൺ റൈഡർ കൂടി കൂട്ടിനുണ്ടെങ്കിലും സംഗതി പൊളിയാണ്. ഓരോ മനുഷ്യനും ഇത്തരമൊരു യാത്ര ഒരിക്കലെങ്കിലും സ്വപ്നം കണ്ടിട്ടുണ്ടാകും. കയ്യിലെ കാശിനും സമയത്തിനുമൊത്ത് സ്വപ്നങ്ങളും വെട്ടിച്ചുരുക്കുന്ന സാധാരണക്കാരുടെ ആഗ്രഹങ്ങളിൽ ടൂവീലർ യാത്രകൾക്ക് വലിയ ഡിമാന്റാണ്. കുറഞ്ഞ ചെലവിൽ കുറേ കാഴ്ചകളും കണ്ട് പോകാവുന്ന ചില ടൂവീലർ റൂട്ടുകളിതാ.

എറണാകുളം കോയമ്പത്തൂർ

ഇന്ത്യയിലെ രണ്ട് വലിയ നഗരങ്ങളെ ബന്ധിപ്പിച്ചൊരു യാത്ര. ചേരന്മാരും ചോളന്മാരും പാണ്ഡന്യന്മാരുമുൾപ്പെടെയുള്ള രാജവംശങ്ങൾ ഭരിച്ചയിടമാണ് കോയമ്പത്തൂർ. അതിന്റെ തിരുശേഷിപ്പുകൾ ഇന്നും അവിടെയുണ്ട്. കൂടാതെ ഇന്ത്യയുടെ കോട്ടൻ സിറ്റിയെന്നാണ് കോയമ്പത്തൂർ അറിയപ്പെടുന്നത്. അതുകൊണ്ടുതന്നെ നഗരപ്രാന്തങ്ങളിലെല്ലാം നിറയെ പരുത്തിത്തോട്ടങ്ങളും കാണാനാകും. ഏകദേശം മൂന്നര മണിക്കൂർ കൊണ്ട് എറണാകുളത്തു നിന്ന് ബൈക്കിൽ കോയമ്പത്തൂരിലെത്താം. 164 കിലോ മീറ്ററാണ് ദൂരം. മരുതമലൈ, ശിരുവാണി വെള്ളച്ചാട്ടം, ഇച്ചനാരി ഗണേശ  ക്ഷേത്രം അമരാവതി ഡാം, കോണിയമ്മൻ ക്ഷേത്രം,  തുടങ്ങി നിരവധി ഇടങ്ങൾ ഈ യാത്രയിൽ നിങ്ങളെ കാത്തിരിക്കുന്നുണ്ട്. തണുപ്പുകാലമാണ് ബൈക്ക് യാത്രയ്ക്ക് അനുയോജ്യം.

കണ്ണൂർ മംഗലാപുരം

പ്രകൃതിയുടെ വിവിധ ഭാവങ്ങൾ ആസ്വദിക്കണോ. എങ്കിൽ കണ്ണൂരിൽ നിന്ന് മംഗലാപുരത്തേക്കൊരു ട്രിപ്പ് തിരഞ്ഞെടുക്കാം. അഗുംബെ, മണിപ്പാൽ, ഉഡുപ്പി തുടങ്ങി നിരവധി പ്രശസ്തമായ വിനോദസഞ്ചാര കേന്ദ്രങ്ങളിലേക്ക് മംഗലാപുരം വഴി എളുപ്പത്തിൽ പോകാനുമാകും. 143 കിലോമീറ്ററാണ് കണ്ണൂരിൽ നിന്ന് മംഗലാപുരത്തേക്കുള്ള ദൂരം. പനമ്പൂർ ബീച്ച്, മംഗളാദേവി ക്ഷേത്രം, ഉള്ളാൾ ബീച്ച്, ഗോകർണ്ണേശ്വര ക്ഷേത്രം, തണ്ണീർ ഭാവി ബീച്ച്, സെന്റ് അലോഷ്യസ് ചാപ്പൽ എന്നിവയാണ് യാത്രക്കിടയിലെ പ്രധാന സ്ഥലങ്ങൾ. ഒക്ടോബർ മുതൽ മാർച്ച് വരെയുള്ള മാസങ്ങളാണ്  ട്രിപിന് അനുയോജ്യം.

മൂന്നാർ പൊള്ളാച്ചി