മലയോരത്തെ മണ്ണും മനുഷ്യരും

ഫാമുകൾ കൂട്ടിച്ചേർത്തൊരു 'വിനോദസഞ്ചാരമാല കോർത്തിരിക്കുകയാണ് കോഴിക്കോട് തിരുവമ്പാടിയിലെ മലയോര കർഷകർ. ഏഴ് ഫാമുകളിലൂടെയുള്ള ഈ യാത്രയിൽ വ്യത്യസ്ത കൃഷിരീതികൾ അറിയാം, കർഷകരുടെ ഹൃദയത്തുടിപ്പുകൾ കേൾക്കാം...

- SAFEER SHABAS

വൃശ്ചികപ്പുലരിയിലെ കുളിരിനെ കൂടെ കൂട്ടിയാണ് യാത്ര തുടങ്ങിയത്. ഒപ്പം നൂലുപോലെ നനുത്തു പെയ്യുന്ന മഴയും. പശ്ചിമഘട്ടത്തിന്റെ താഴ്വാരമായ കോഴിക്കോട് തിരുവമ്പാടിയിൽ നിന്നായിരുന്നു തുടക്കം. ഇരുവഴിഞ്ഞി വാലി അഗ്രി ടൂറിസം സർക്യൂട്ടിന്റെ ഭാഗമായായിരുന്നു യാത്ര. വയനാടൻ പശ്ചാത്തലമുള്ള കൂറ്റൻ മലനിരകളും പുഴകളും വെള്ളച്ചാട്ടങ്ങളും ഉരുളൻ പാറക്കെട്ടുകളിലൂടെ ഒഴുകിവരുന്ന കാട്ടുചോലകളുമെല്ലാം മനസ്സിനെ കുളിരണിയിക്കും. തീർന്നില്ല, വ്യത്യസ്തമായ കൃഷിരീതികൾ, ഫലസമൃദ്ധമായ പഴവർഗങ്ങൾ, വി വിധയിനം വളർത്തുമൃഗങ്ങൾ, അപൂർവയിനം പുഷ്പങ്ങൾ, മത്സ്യബന്ധനം, ബോട്ടുസവാരി, ഹോം സ്റ്റേ, റിസോർട്ട് സൗകര്യങ്ങളെല്ലാം ഇവിടെയുണ്ട്. ഒരുദിവസം കണ്ടുതീരാത്തത കാഴ്ചകളും കൃഷി വിജ്ഞാനവുമെല്ലാം ഒരു കുടക്കീഴിൽ ഒരുക്കിവെച്ചപോലെ. രാവിലെ എട്ടുമണിയോടെത്തന്നെ യാത്ര തുടങ്ങി. ചാലിയാറിന്റെ പോഷകനദിയായി ഇരുവഴിഞ്ഞിപ്പുഴ ഉദ്ഭവിക്കുന്ന വെള്ളരിമലയുടെ താഴ്വാരം വരെയാണ് യാത്ര.

തടാകത്തിൽനിന്ന് തുടക്കം

തിരുവമ്പാടിയിൽ നിന്ന് തെല്ലകലെ പുല്ലൂരാംപാറ റോ ഡിലെ പെരുമാലിപ്പടി ലേക്ക് വ്യൂ ഹോളി ഡേ വില്ലയിലാ ണ് ആദ്യമെത്തിയത്. പ്രധാന ഗേറ്റ് തുറന്നാൽ മത്സ്യങ്ങൾ നിറഞ്ഞ കൊച്ചുതടാകം. ബോട്ട് സവാരിയുമുണ്ട്. അ റു ഗ്രാം മുതൽ ഏഴ് കിലോവരെയുളള മീനുകൾ ഇവിടെ യുണ്ട്. തീരമാകട്ടെ മുളങ്കൂട്ടങ്ങളുടെ തണലൊരുക്കിയിരിക്കുന്നു. ചൂണ്ട യിട്ട് മീൻപിടിക്കാനും ആവശ്യമെ ങ്കിൽ ഇവിടെവെച്ചുതന്നെ പാകം ചെയ്യാനുമെല്ലാം സൗകര്യമൊരുക്കി സഞ്ചാരികളെ കാത്തിരിക്കുകയാ ഫാം ഉടമ ജയ്സൺ പ്ലാത്താ ട്ടത്തിൽ. മുളങ്കൂട്ടങ്ങളുടെ തണലി ലിരുന്ന് ഇളംകാറ്റേറ്റുള്ള പ്രഭാത ഭക്ഷണം. കപ്പയും അപ്പവും നാടൻ കറികളും ചേർന്ന പ്രാതൽ കഴിയു മ്പോൾ നമ്മളും അടിമുടി നാടനാ കും, കോടഞ്ചേരി ഗ്രാമ പഞ്ചായ പ്രസിഡന്റ് അലക്സ് തോമസ് ചെമ്പകശ്ശേരിയും ഉദ്യോഗസ്ഥരും അവിടെയുണ്ടായിരുന്നു. കർഷക കൂട്ടായ്മകളെ ഉപയോഗപ്പെടുത്തി ഫാം ടൂറിസം സർക്യൂട്ട് കോടഞ്ചേരി പഞ്ചായത്തിലേക്കും വ്യാപിപ്പിക്കുന്നതിനെക്കുറിച്ച് പഠിക്കാനെത്തിയതാണവർ. സംഘത്തിന് വഴികാട്ടിയായി ഇരുവഴിഞ്ഞി വാലി ടൂറിസം ഫാർമർ ഇന്ററസ്റ്റ് ഗ്രൂപ്പ് പ്രസിഡന്റ് അജു എമ്മാനുവലുമുണ്ട്.