പ്രകൃതിദത്തം ഈന്തപ്പഴം

ക്ഷീണവും തളർച്ചയും മറികടക്കാൻ സഹായിക്കുന്ന എനർജി ബൂസ്റ്ററാണ് ഈന്തപ്പഴം

- ഉഷ മധുസൂദനൻ സീനിയർ ഡയറ്റീഷ്യൻ അൽമാസ് ഹോസ്പിറ്റൽ കോട്ടക്കൽ

നമ്മുടെ നാട്ടുകാരനല്ല ഈന്തപ്പഴം, പക്ഷേ അന്നജവും നാരുകളും ആന്റിഓക്സിഡന്റുകളുമെല്ലാം ധാരാളമടങ്ങിയ ഈ കുഞ്ഞൻപഴം നമ്മുടെ ഡയറ്റിന്റെ ഭാഗമായിട്ട് കാലമേറെയായി.

100 ഗ്രാം ഈന്തപ്പഴത്തിൽ ഏകദേശം 300 കലോറി ഊർജം, 3.3 ഗ്രാം മാംസ്യം, 33 ഗ്രാം കൊഴുപ്പ്, 75 ഗ്രാം അന്നജം, 75 ഗ്രാം പഞ്ചസാര, 5.85 ഗ്രാം നാരുകൾ എന്നിങ്ങനെ പോഷകങ്ങൾ അടങ്ങിയിട്ടുണ്ട്.

ഊർജോത്പാദനത്തിന് സഹായിക്കുന്ന പ്രധാന ഭക്ഷ്യപദാർഥമാണ് ഈന്തപ്പഴം. ക്ഷീണമോ തളർച്ചയോ തോന്നിയാൽ അല്പം ഈന്തപ്പഴം കഴിക്കാം.

ഇവയിലെ പോളിഫിനോൾസ്, കരോട്ടിനോയ്ഡുകൾ തുടങ്ങിയ സംയുക്തങ്ങൾ നല്ല ആന്റിഓക്സിഡന്റുകളാണ്.