ഒളിക്കുന്നതെന്തിന് ഇക്കാര്യം?

കുട്ടികൾ കൗമാരത്തിൽ എത്തുമ്പോൾ മാത്രം തുടങ്ങേണ്ടതല്ല ലൈംഗിക വിദ്യാഭ്യാസം...

- രതി മനോജ്

ലൈംഗിക വിദ്യാഭ്യാസത്തെപ്പറ്റി യുള്ള ചർച്ചകൾ ഉയർന്നു കേൾക്കാൻ തുടങ്ങിയിട്ട് കാലം കുറെയായി. കാര്യം പ്രധാനമാണെന്ന തിരിച്ചറിവ് പല മാതാപിതാക്കൾക്കും ഉണ്ട്. എങ്കിലും ഈ വിഷയത്തെ ചുറ്റിപ്പറ്റിയുള്ള നാണക്കേട്, ശരിയായ അറിവില്ലായ്മ, സംസാരിച്ചാൽ ശരിയാവുമോ എന്ന ഭയം എന്നിവയൊക്കെയും ലൈംഗികതയെപ്പറ്റി സംസാരിക്കുന്നതിൽ നിന്ന് പലരേയും പിന്നിലേക്ക് വലിക്കുന്നു. സ്കൂളുകളിലെ അവസ്ഥയും വ്യത്യസ്തമല്ല. എന്നാൽ നമ്മുടെ ദൈനം ദിന സംഭാഷണത്തിൽ ലൈംഗിക വിദ്യാഭ്യാസത്തെ ഉൾപ്പെടുത്താവുന്നതേയുള്ളൂ. അതിന് ആദ്യം വേണ്ടത് മാതാപിതാക്കൾ മാനസികമായി തയ്യാറെടുക്കുക എന്നതാണ്. ശാസ്ത്രീയമായ ലൈംഗിക വിദ്യാഭ്യാസം ലഭിക്കാത്തവരാണ് ഇപ്പോഴത്തെ മാതാപിതാക്കളിൽ പലരും.

ഈ വിഷയം സംസാരിക്കുന്നതിന് നമുക്കുള്ള വിമുഖത എന്തു കൊണ്ടാണെന്ന് മനസ്സിലാക്കി അത് പരിഹരിക്കുക. ശരിയായ വിവരങ്ങളുടെ അഭാവം ആണെങ്കിൽ അവ നേടാൻ സഹായിക്കുന്ന പുസ്തകങ്ങളേയും വെബ്സൈറ്റുകളേയും ആശ്രയിക്കാവുന്നതാണ്. ലൈംഗിക വിദ്യാഭ്യാസം എന്നത് ഒറ്റത്തവണ കൊണ്ട് തീരുന്ന സംഗതിയല്ല. ഇതൊരു തുടർ പ്രക്രിയയാണ്.

അറിവ് എപ്പോൾ മുതൽ

പല മാതാപിതാക്കളേയും കു ഴക്കുന്ന ചോദ്യമാണ് എപ്പോഴാണ് ലൈംഗിക വിദ്യാഭ്യാസം തുടങ്ങേണ്ടത് എന്നുള്ളത്. അതിന് ലൈംഗികവിദ്യാഭ്യാസം എന്താണെന്ന് മനസ്സിലാ ക്കണം.