మానవత్వాన్ని మింగుతున్న మతతత్వ మూఢత్వం

మతమౌఢ్యం ఒక్కోసారి తీవ్రవాదంగా మారుతూ ఉంటుంది. ఇటీవల ప్యారీస్ లో ఒక టీచర్ గొంతును కోసేయటం కూడా ఈ మౌడ్యంలోకే వస్తుంది.

- - షాహ్ నవాజ్ •

మతమౌఢ్యం ఒక్కోసారి తీవ్రవాదంగా మారుతూ ఉంటుంది. ఇటీవల ప్యారీస్ లో ఒక టీచర్ గొంతును కోసేయటం కూడా ఈ మౌడ్యంలోకే వస్తుంది.

మ నం ఎవరి మీదైనా అలిగితే కోపాన్ని వ్యక్తం చేస్తాం. దీన్ని అనేక రూపాల్లో ప్రదర్శిస్తుంటాం. కొంతమంది ఇతరులపై కోపం వస్తే వారితో మాట్లాడటం మానేస్తారు. ఇంకొందరు మాట్లాడటం ఆపరు, కానీ స్వరంలో అలక చూపిస్తుంటారు. కొందరైతే కోపాన్ని చూపటానికి సంబంధిత వ్యక్తి ముందే నాలుగైదు గట్టి మాటలు అనేసి మనోభారం దించేసుకుంటారు. ఆధునిక సమాజంలో జనం మధ్య సమ్మతి, అసమ్మతి అనేవి సహజమే. కానీ మతాల మూఢత్వంలో మునిగిన వ్యక్తుల మధ్య ఉన్నప్పుడు మాత్రం వారి కోపం నుంచి తప్పించుకోడానికి మనమే ఉపాయాలు ఆలోచించుకోవాలి.

నిజంగా మతమౌఢ్యం గల వ్యక్తులు మీమీద కోప్పడినా లేదా మీ మాటలతో విభేదించినా దాని పరిణామాలు ఎంతో భయంకరంగా ఉంటాయి.ప్యారిస్లో కొన్నిరోజుల క్రితం జరిగిన ఒక ఘటన దీనికి సరైన ఉదాహరణ. ఏ మతంలోనైనా మూఢత్వం గల వ్యక్తులు పిచ్చితో మెంటల్ హాస్పిటల్లో చేరిన వారికంటే మరింతగా సమాజానికి ప్రమాదకరం.

మత మౌఢ్యులు భూమిమీద ఉన్న అత్యంత విషపూరిత జీవుల కంటే ఎక్కువ హాని కలిగిస్తారు.విషప్రాణులు కనీసం భూమి మీద ఎకోసిస్టమ్లో ముఖ్య పాత్ర పోషిస్తుంటాయి. కానీ మత మౌఢ్యులు శరీరంలో పరాన్న జీవుల్లాంటి వారు.

దాడి గురించిన సమాచారం

ఫ్రాన్స్ రాజధాని ప్యారిస్లోని ఘటన ప్రపంచమంతా చర్చల్లోకి ఎక్కింది. 18 ఏళ్ల విద్యార్థి ఒకడు హిస్టరీ టీర్పై దాడి చేసాడు.గొంతు కూడా కోసాడు. టీచర్ శామ్యూల్ పాటీ క్లాసులో ఫ్రీడమ్ ఆఫ్ ఎక్స్ప్రెషన్కి ఉదాహరణ ఇస్తూ మహమ్మద్ ప్రవక్త కార్టూన్ని చూపించాడని ఇలా దాడికి తెగబడ్డాడు. ఇస్లాంని నమ్మే ఈ విద్యార్థి కార్టూన్ని చూపటంతోనే ఆగ్రహించాడని చెబుతున్నారు. 18 ఏళ్ల ఈ యువకుడు కాంప్లెక్స్ సోహానరీ అనే స్కూల్ దగ్గర శామ్యూల్ పాటీపై దాడి చేసాడు. వెంటనే స్థానికులు పోలీసులకు సమాచారమిచ్చారు. ఘటనాస్థలానికి చేరుకున్న పోలీసులు యువకున్ని చుట్టుముట్టారు. అతడు జేబు నుంచి పిస్టల్ తీసి బెదిరించసాగాడు. చివరికి పోలీసులు అతనిపై తూటా పేల్చటంలో ప్రాణం వదిలేసాడు.

కార్టూనైపై గతంలోనూ వివాదం