పిల్లలు ఏదీ తినకపోతే ఏమి చేయాలి?

మీ పిల్లలు తిండి తినేటప్పుడు తరచుగా ముఖం చాటేస్తుంటే, వీటిని కొంచెం ప్రయత్నించండి...

- - పారూల్ భట్నాటర్ •

మీ పిల్లలు తిండి తినేటప్పుడు తరచుగా ముఖం చాటేస్తుంటే, వీటిని కొంచెం ప్రయత్నించండి...

“మా పిల్లలు తిండి తినరు, దాన్ని చూసి ముఖం తిప్పుకుంటారు. రొట్టెలు, కూరలైతే అస్సలు గొంతులోకి దిగవు. ఎంత ఆరోగ్యకరమైన డిష్ చేసినా కనీసం రుచి చూడరు. వారి వెనుక ఎన్నిసార్లు తిరిగినా తినరు. ఒక్కోసారి ఏదైనా తింటే మళ్లీ దాన్ని ముట్టుకోరు. ఒకసారి రుచి నచ్చకపోతే, ఇంకోసారి కలర్ నచ్చదు. ప్రతి రోజు వారు తినే వాటిల్లో లైకింగ్, డిస్ లైకింగ్ మారుతుంటుంది. కానీ బయటి ఆహార పదార్థాలు, వారికిష్టమైన మ్యాగీ, పాస్తా, బర్గర్ లాంటి ఫాస్ట్ ఫుడ్ సంతోషంగా తింటారు".

“ఇదీ పరిస్థితి డాక్టర్ గారూ, వారికి శారీరక, పోషక అవసరాలు తీర్చే టానిక్ ఏదైనా ఇవ్వండి".

ప్రతి తల్లి తరచుగా ఇలాంటి సమస్య ఎదుర్కొంటుంది. ఈ ఆందోళనతోనే ఆమె రోజంతా గడుపుతుంది. అయితే పిల్లల్లో ఇది సర్వ సాధారణం. పిల్లలకు తినిపించేటప్పుడు ఈ చిట్కాలు పాటించి వారికి ఆరోగ్యకరమైన ఆహారం సులభంగా అందించవచ్చు.

ఆహారం ఆకర్షణీయంగా ఉండాలి

పిల్లలు సాధారణ ఆహారం ఇష్టపడరు. వివిధ రంగులు, ఆకారాలు, డిజైన్లతో చేసిన ఆహార పదార్థాలు వారిని ఆకర్షిస్తాయి. ఈ పరిస్థితుల్లో పిల్లలకు ఆరోగ్యకరమైన ఆహారం ఇవ్వాలంటే అందంగా అలంకరించి వడ్డించాలి. పండ్లు, సలాడ్లు తినడానికి మొరాయిస్తే వాటిని కుకీ కటర్తో కట్ చేసి వారికి నచ్చిన షేప్లో తినిపించండి.

కుకీ కటర్ కొనుగోలు చేసి సరదాగా ఆరోగ్యకరమైన పదార్థాలు తినిపించవచ్చు. వారికి నచ్చేలా సాస్, డిప్లతో కూడా సర్వ్ చేయవచ్చు.

మంచి స్నాక్స్ ఇవ్వండి

 పిల్లలకు తక్కువ సమయంలో ఆకలి వేస్తుందన్న వాస్తవాన్ని కాదనలేము. దీని కారణంగా తల్లిదండ్రులు పిల్లలకు కొన్నిసార్లు స్నాక్స్, కుకీస్,ఇంకొన్నిసార్లు నమ్కీన్స్ పెడుతుంటారు. దీంతో వారు క్రమంగా ఆరోగ్యకరమైన ఆహార పదార్థాలు తినడం మానేస్తారు. ఇవి మీ పిల్లలను ఊబకాయం, మధుమేహం, ఎలర్జీలాంటి వ్యాధులకు గురి చేస్తాయి. వీటిలో షుగర్, ఉప్పు, ఆయిల్ మోతాదు చాలా ఎక్కువగా ఉంటుంది.