దంపతుల మధ్య ప్రేమ దీపం వెలిగేది ఎలా?

అన్ని విభేదాల్ని వదిలేసి ఈ దీపావళిని మెమోరబుల్గా మార్చుకోండి. సంబంధాల్లో విశ్వాసాన్ని పెంచేందుకు ప్రేమ దీపాన్ని వెలిగించండి.

- -గరిమా పంకజ్

అన్ని విభేదాల్ని వదిలేసి ఈ దీపావళిని మెమోరబుల్గా మార్చుకోండి. సంబంధాల్లో విశ్వాసాన్ని పెంచేందుకు ప్రేమ దీపాన్ని వెలిగించండి.

“నింగి ఏకంగా నా చెంతకు చేరింది. ఇక  నుంచి నేలకొచ్చిన ఓ దివ్య తార, దీపాలతో నేనేమి చేయాలి...” అంటూ ప్రేమభరితమైన చూపులతో అమృతని చూస్తూ విక్రమ్ కవిత్వం చెబుతున్నాడు. ఆమె సిగ్గుపడిపోతూ "ఇవాళ శ్రీవారు మంచి హుషారులో ఉన్నట్లున్నారు” అంది.

“హుషారు రావటంలో వింతేమి ఉంది బేబీ, ఆకాశ తార నా ఇంటికి వచ్చింది. నా జీవితాన్ని మెరిపిస్తుంటే సంతోషం ఆగుతుందా?” అన్నాడు విక్రమ్.

“నా భావాలు నీకు చెప్పాలని ఉంది.నిజంగానే నాకు నీలాంటి జీవిత భాగస్వామి దొరకటం ఒక అదృష్టం. నిన్ను ఎంచుకోవటం నేను తీసుకున్న ఓ గొప్ప నిర్ణయం. నీలాంటి తోడు కోసం ఎన్నాల్లో వెతికి, వేచి ఉన్నాను.ఇంతకంటే నాకు ఇంకేమి కావాలి”.

"ఇవాళ మీరు, నేను కలసి జరుపుకొంటున్న తొలి దీపావళి ఇది. ఇలాగే ప్రతి దీపాల పండుగకు సంతోషభరితంగా జరుపుకోవాలని ఆశిస్తున్నాను".

అమృత, విక్రమ్ కలసి తొలి దీపావళిని మధుర జ్ఞాపకంగా మలుచుకున్నారు. మీరు కూడా కావాలనుకుంటే ఈ దీపావళిని మరిచిపోలేని జ్ఞాపకంగా మార్చుకోవచ్చు.కాకపోతే కావాల్సిందల్లా మీ జీవిత భాగస్వామిని చేసుకోవటమే. తనకు తోడుగా ఉంటూ, అవసరమైనప్పుడు ప్రశంసిస్తుండాలి. జంట ఒకరికొకరు ప్రవర్తనని అర్థం చేసుకుంటూ, ప్రశంసలు అందించుకుంటూ గడిపితే జీవితంలోని ప్రతి క్షణాన్ని అందంగా, ఆనందంగా మలుచుకోవచ్చు.

గౌరవాన్ని ఇవ్వాలి... తీసుకోవాలి

నిజంగా ఒక బంధం దృఢంగా, అందంగా ఉండటానికి... అందులో ప్రేమ, విశ్వాసం, గౌరవం ఒకరికొకరు కేరింగ్ నేచర్ లాంటి చిన్నచిన్నవే, కానీ ఎంతో ముఖ్యమైన ఈ భావాల్ని తప్పక పోషించాలి.

ఇవన్నీ గనక వన్సైడై ఉంటే బంధం చెదిరి తెగిపోవడానికి దారులు తెరుచుకుంటాయి.భార్యా భర్తలు లేదా ప్రేయసీప్రియుడు రెండు జంటల్లోనూ ఈ జాగ్రత్తలు ముఖ్యమైనవి.ఒకరినొకరు మెచ్చుకున్నట్లయితే జీవితంలోని

ఆనందం మరింత పెరుగుతుంది. బంధాలు మరింత లోతుగా, ప్రేమగా, విశ్వసనీయంగా మారుతాయి.