విడిపోయిన బంధుత్వాలను కలిపే పండుగే హెలీ

మారిన జీవనశైలి కారణంగా మనుషులు ఒకరికొకరు కలవకుండా దూరంగా ఉండే పరిస్థితులు ఏర్పడ్డాయి.

- - గరిమా పంకజ్

 ప్రతి ఏడాది వచ్చే హోలీ పండుగ సైతం రంగులు వెలిసిపోయినట్లు వెలవెల పోతోంది. బంధాలు, మానవ సంబంధాలు మరింత పటిష్టం చేసుకోవడానికి హెలీ పండుగను ఓ మంచి సందర్భంగా మార్చుకోవాలి.

ఎన్నో సంవత్సరాల తర్వాత హెూలీ పండుగ రోజున అమిత ఎంతో సంతోషంగా ఉంది. ఇంట్లో పిల్లలందరూ కేరింతలు కొడుతూ రంగులు చల్లుకుంటుంటే ఆమెకు చాలా సంతోషంగా ఉంది. వంటింట్లో ఆమె మరదలు పిండి వంటలుచేస్తుంది. దాని ఘుమఘుమలు ఇల్లంతా వ్యాపించాయి. పొద్దునే అత్తగారు, మామగారు ఆమెను నూరేళ్లు సంతోషంగా జీవించమని దీవించారు. తన భర్త, మరిదితో కలిసి రంగు డబ్బాలతో హెూలీ ఆడటానికి పొద్దున్నే వారు బయటికి వెళ్లారు. పిల్లలు పిచికారీలలో రంగు నీళ్లు నింపుకుని ఒకరిపై ఒకరు చల్లుకుంటున్నారు. వారి బట్టలన్నీ తడిసిపోయినా వారికి ఆ ధ్యాసే లేదు. వారి దృష్టంతా రంగులు చల్లుకోవటంపైనే.

అమిత వంటింటివైపు వెళ్లింది. అప్పటికే మరదలు నేహా వంట పూర్తయింది. నేహా పిల్లాడి చేతిలోంచి రంగు నీళ్లున్న బకెట్ తీసి ఆమెపై పోసింది. హెూలీ రంగులు పూసుకుంటూ అమిత ఎంత సంతోషంగా ఎంజాయ్ చేస్తున్నదంటే అది ఆమె మాటల్లో చెప్పలేదు. గత మూడు నాలుగు సంవత్సరాలుగా ఆమె పండుగలే జరుపుకోలేదు.

ఒక సాయంత్రం నేహాతో ఒక చిన్న విషయంలో గొడవ జరిగిన విషయం అమితకు ఇంకా గుర్తుంది. అది చిన్న విషయమే అయినా ఇంట్లో వాళ్లందరూ ఒకటైపోయారు. అత్తగారు, మామగారు సైతం అమితపై కోపం పెంచు కున్నారు. ఇంట్లో పెద్ద కోడలు కాబట్టి నువ్వే కొంచెం ఓపికగా ఉండాలని సుద్దులు చెప్పారు. నందిని కొత్త కోడలు. ఆమె వయసులో చిన్నదని వత్తాసు పలికారు. దాంతో అమితకు బాధనిపించి అందరితో ముభావంగా ఉండసాగింది. ఆమె భర్త ఆమెకు మద్దతుగా నిలిచాడు. అయినా అత్తగారితో, మామగారితో, మరదలు నేహాతో సుమారు 3-4 ఏళ్లుగా మాటల్లేవు ప్రతి సంవత్సరం హెూలీ సమయంలో పిల్లలు వారిని గుర్తు చేస్తారు. అమిత వారిని నోరు మూయిస్తుంటుంది.

మనస్పర్థలు దూరం చేసే పండుగ హోలీ

ఈ ఏడాది హెూలీకి కొద్ది రోజుల ముందు