టెన్షన్ పడితే సక్సెస్ రాదు- కావ్యా థాపర్

సినిమా రంగం అనేది గ్లామర్, క్రియేటివిటీతోపాటు అనేక కళల మీద ఆధారపడి ఉంటుంది.

సినిమా రంగం అనేది గ్లామర్, క్రియేటివిటీతోపాటు అనేక కళల మీద ఆధారపడి ఉంటుంది. కనుక ఇక్కడ ఏమాత్రం టెన్షన్ పనికి రాదని హీరోయిన్ కావ్యా థాపర్ అభిప్రాయం. దశాబ్దం క్రితమే హిందీలో 'తత్కాల్' అనే షార్ట్ ఫిల్మ్ చిత్రసీమలో అడుగు పెట్టిన ఈ ముంబై భామ 'ఈ మాయ పేరేమిటో' టాలీవుడ్ కి ఎంట్రీ ఇచ్చారు. ఇటీవల దక్షిణాదిన వరుస చిత్రాలతో బిజీగా గడుపుతున్నారు.తెలుగులో 'ఏక్ మినీ కథ', 'బిచ్చగాడు-2', 'ఈగల్', 'ఊరు పేరు భైరవ కోన' చిత్రాల్లో చక్కని నటనతో కుర్ర కారుకి దగ్గరయ్యారు. టాలీవుడ్లో ప్రేక్షకులు ఇంత త్వరగా తనను రిసీవ్ చేసుకొని, గొప్పగా ఆదరించటం అస్సలు ఊహించ లేదని చెప్పుకొచ్చారు. తాను నటించిన కొన్ని చిత్రాలతోనే తెలుగు చిత్రసీమలో నటుల నుంచి, దర్శకుల నుంచి ఎంతో క్రమ శిక్షణను, అనేక వృత్తిపరమైన మెళకువల్ని నేర్చుకున్నానని వివరించారు. ప్రస్తుతం తెలుగుతో పాటు తమిళం, హిందీలో చేతినిండా అవకాశాలతో బిజీగా ఉన్న కావ్యా థాపర్ ఇంటర్వ్యూ విశేషాలు...

టాలీవుడ్ జర్నీ ఎలా ఉంది?

ఇక్కడ నా ప్రయాణం చాలా వేగంగా ఉంది. సాధారణంగా హిందీ తెరకు పరిచయమ్యాక, అక్కడ హీరోయిన్ గా ఎదగటానికి చాలా ఏళ్లు పట్టింది. కానీ తెలుగు ప్రేక్షకులు చాలా తొందరగా నన్ను ఆదరించారు. నేను ఊహించిన దాని కంటే తక్కువ కాలంలోనే ఎక్కువ ఆఫర్లు రావటం చాలా హ్యాపీగా అనిపిస్తోంది.

మీరు ఆశించిన పాత్రలు లభిస్తున్నాయా?