సౌందర్య సలహాలు

సౌందర్య సలహాలు

నేను 20 ఏళ్ల యువతిని. నాకు గోళ్లు అసలు పెరగటం లేదు. ఎన్నో జాగ్రత్తలు తీసుకున్నాక సైతం కొంచెం పెరిగి తర్వాత చచ్చుబడి విరిగిపోతున్నాయి. దయచేసి గోళ్లను పొడవుగా, దృఢంగా మార్చుకునే ఉపాయాలు చెప్పండి?

ఆహారంలో కాల్షియం లోపంతో గోళ్లు పెరగటంలో లోపం ఏర్పడుతుంది. వాటిని పొడవుగా, దృఢంగా చేసుకునేందుకు మైల్డ్ షాంపూ ద్రావణంలో నిమ్మరసం కలపండి. చేతులను అందులో 5-10 నిముషాలు ముంచండి. ఆ తర్వాత నీటిలో కడిగేసుకుని కోల్డ్ క్రీమ్ లేదా మాయిశ్చరైజింగ్ క్రీమ్ పెట్టుకోండి. ఇలా వారంలో 2 సార్లు చేయండి. అలాగే డైట్లో పాలు, పాల పదార్థాలు, డ్రైఫ్రూట్స్ చేర్చుకోండి. దీంతో మీ గోళ్ళు పెరగటంతోపాటు దృఢంగా తయారవుతాయి.

నేను 17 ఏళ్ల విద్యార్థిని. నాకు ముఖంపై మొటిమల సమస్య తీవ్రంగా ఉంది. వీటి నుంచి విముక్తి పొందే ఇంటి చిట్కాలు చెప్పండి?

మీరు డైట్లో చక్కెర, కార్బోహైడ్రేట్స్ కలిగిన ఆహార పదార్థాలు, ఆయిలీ ఫుడ్ తగ్గించండి.దీంతోపాటు వేప, తులసి ఆకులను నీటిలో మరిగించి చల్లారాక దాంతో ముఖం కడుక్కోండి.

వేప, తులసి ఆకులు ముఖానికి యాంటీ సెప్టిక్ గా పని చేస్తాయి. ఇవి మొటిమలను నివారిస్తాయి. వీటితోపాటు ముఖం కడుక్కునేందుకు ఆయిల్ ఫ్రీ ఫేస్వాష్ వాడండి. అలాగే ముఖంపై ముల్తానీ మట్టితో ఫేస్ప్యాక్ చేయించుకోండి.ఈ ఉపాయాలన్నీ మొటిమలను తగ్గించేస్తాయి.