காலம் யாருக்காகவும் நிற்காது!

அறிமுகமான சில வருடங்களில் நட்சத்திர நடிகையாகி விட்டார் மீனாட்சி சவுத்ரி.அடுத்தடுத்து பெரிய நடிகர்களின் படங்களில் நடித்து வரும் மகிழ்ச்சியில் இருப்பவருடன் ஒரு உரையாடல்.

தீபாவளி எப்படி இருந்தது?

குடும்பத்துடன் ஒரு பண்டிகையை கொண்டாடி மூன்று வருடங்களுக்கு மேலாகிறது. அதனால் இந்த ஆண்டு,பூஜை, சுவையான உணவு மற்றும் திரைப்படங்களுடன் நான் பண்டிகையை அனுபவிக்க விரும்பினேன்.எனது வாழ்க்கையில் பல நல்ல வேலைகள் வந்ததற்கு நான் நன்றியுள்ளவளாக இருக்கிறேன். அந்த சந்தோசம் நிறைய இருக்கிறது. என் வாழ்க்கை நான் விரும்பியபடியே அமைந்து இருக்கிறது.

சிறு வயதில் இருந்தே நடிப்புதான் உங்கள் இலக்காக இருந்ததா?

நடிப்பு என் ரேடாரில் ஆரம்பத்தில் இல்லை. நான் ஒரு மாடலாக இருக்க விரும்பினேன், ஆனால் நடிப்பு தற்செயலாக நடந்தது. சரியான நேரத்தில் சரியான இடத்தில் இருந்ததன் மூலம் பெரிய படங்களில் நடிக்க வாய்ப்பு கிடைத்தது. எனது தொழில் வாழ்க்கையின் இந்த கட்டத்தில் முக்கிய நட்சத்திரங்களுடன் நடிப்பதில் மகிழ்ச்சி அடைகிறேன்.

ஒரு பிரபலமாக வாழ்க்கையில் கற்றுக்கொண்டது என்ன ?