യാ അസന്തേവ

1957-ൽ ഘാന സ്വതന്ത്രമായപ്പോഴാണ് കൊളോണിയൽ ഭരണത്തിൽ നിന്ന് സ്വ തന്ത്രമാകാനുള്ള അസന്തേവയുടെ സ്വ പ്നം സാക്ഷാത്കരിക്കപ്പെട്ടത്. ഘാനയിലെ മാത്രമല്ല, ആഫ്രിക്കയുടെ തന്നെ വീ രേതിഹാസത്തിൽ വലിയ സ്ഥാനമാണ് യാ അസന്തേവയ്ക്ക് ഉള്ളത്.

- കണക്കൂർ ആർ. സുരേഷ്കുമാർ

പത്തൊമ്പതാം നൂറ്റാണ്ടിൽ ആഫ്രിക്കയിലെ ഘാന പ്രദേശത്തുള്ള ഒരു ഉപരാജ്യത്ത് പ്രവർത്തിച്ച വീരയോദ്ധാവും മനുഷ്യാവകാശ പ്രവർത്തകയുമാണ് യാ അസന്തേവ. സ്വന്തം അഭിമാന ബോധം കൊണ്ട് കോളോണിയൽ ശക്തികൾക്കെതിരെ സ്വജനതയെ യുദ്ധ സന്നദ്ധരാക്കി അണിയിച്ചൊരുക്കാൻ കഴിഞ്ഞുവെന്നതാണ് അവളുടെ മഹത്വം,

1840-ൽ ബെസീസിയിലാണ് 'യാ അസന്തേവ' ജനിച്ചത്. അവളുടെ സഹോദരൻ തെക്കൻ ഘാനയിലെ അസാ മേഖലയിൽ ഒരു കമ്മ്യൂണിറ്റി തലവനായിരുന്നു. യാ അസന്തേവയുടെ ചെറുപ്പകാലം തികച്ചും സാധാരണമായിരുന്നു. അവൾ സാധാരണക്കാരെ പോലെ കൃഷിഭൂമിയിൽ ജോലികൾ ചെയ്തു. അതിനിടെ അവൾ ഒരാളുടെ ഭാര്യയായി. അയാൾക്ക് വേറെയും ഭാര്യമാർ ഉണ്ടായിരുന്നു. അയാളിൽ നിന്ന് അവൾക്ക് ഒരു കുട്ടി ജനിച്ചു.