മേരി ബക്കർ എഡ്ഡി

ഇതിഹാസത്തിലെ സ്ത്രീകൾ

- കണക്കൂർ ആർ. സുരേഷ്കുമാർ

ക്രിസ്തുമത പരിഷ്കർത്താവും എഴുത്തുകാരിയും ക്രിസ്ത്യൻ സയൻസിന്റെ സ്ഥാപകയുമാണ് മേരി ബക്കർ എഡ്ഡി. ക്രിസ്ത്യൻ സയൻസ് മോണിട്ടർ എന്ന മാധ്യമത്തിന്റെ സ്ഥാപകയുമാണ് എഡി. ഒരു മനുഷ്യനേയും പരികേൽപ്പിക്കാതിരിക്കുക, എന്നാൽ എല്ലാ മനുഷ്യവർഗ്ഗത്തേയും അനുഗ്രഹിക്കുക' എന്ന മഹത്തായ ലക്ഷ്യമാണ് എഡ്ഡി പ്രചരിപ്പിച്ചത്.

അമേരിക്കയിലെ ന്യൂ ഹാംഷെയറിൽ 1821-ലാണ് മേരി ബേക്കർ ജനിച്ചത്. എഡ്ഡിയുടെ കുടുംബ പശ്ചാത്തലവും ജീവിത സാഹചര്യങ്ങളുമാണ് അവളെ മതപരിഷ്കരണത്തിനുള്ള താൽപ്പര്യത്തിലേക്ക് സ്വാധീനിച്ചതും എത്തിച്ചതും. കുട്ടിക്കാലം മുതൽ എഡി ഗുരുതരമായ രോഗങ്ങളുമായി മല്ലിട്ടാണ് വളർന്നു വന്നത്.

ഇരുപതു വയസ്സിൽ അവളുടെ പ്രിയപ്പെട്ട സഹോദരൻ മരിച്ചത് അവളെ കടുത്ത ദുഃഖത്തിലാഴ്ത്തി. എഡി അക്കാലത്താണ് ജോർജ്ജ് ഗോവറുടെ ഭാര്യ ആകുന്നത്. എന്നാൽ ഒന്നര വർഷക്കാലം പിന്നിട്ടപ്പോഴേക്കും ഗ്രോവർ അന്തരിച്ചു.