പാച്ചുവിന്റെ അത്ഭുത ലോകം

ഏഷ്യൻ ഭൂഖണ്ഡത്തി ലെ ഏറ്റവും പ്രായം കുറഞ്ഞ കവി, ചെറു പ്രായത്തിനുളളിൽ ഏറ്റവുമധികം കവിതകൾ രചിച്ച കുട്ടി എന്നീ നിലകളിൽ യു.എ ഫ്.ഐ. എന്ന അന്താരാഷ്ട്ര സംഘടനയുടെ റെക്കോർഡ് ലഭിച്ച സദാശിവ് എന്ന പാച്ചുവിന്റെ അത്ഭുത ലോകം....

- എസ്. നന്ദകിഷോർ

കാർട്ടൂണുകളും വെബ്സീരിസുകളും നെഞ്ചിലേറ്റി വൃഥാസമയം പാഴാക്കുന്ന ഒരു തലമുറയുടെ നിറുകയിലാണ് പാച്ചു എന്ന് അടുപ്പമുളളവർ ഓമനിച്ചു വിളിക്കുന്ന നാലാം ക്ലാസുകാരൻ സദാ ശിവിന്റെ ജനനം. തൃപ്പൂണിത്തുറ ചോയ്സ്  സ്കൂൾ വിദ്യാർത്ഥിയായ പാച്ചു ഒന്നാം ക്ലാസിൽ പഠിക്കുമ്പോൾ തന്നെ 43 കവിതകൾ ഉൾക്കൊളളുന്ന ആദ്യ സമാഹാരം പുറത്തിറക്കി. അതും ആടുജീവിതം അടക്കം മലയാളത്തിലെ മുൻനിരകൃതികൾ പ്രസിദ്ധീകരിച്ച ഗ്രീൻ ബുക്സിലൂടെ. മലയാളത്തിന്റെ മഹാപുണ്യം പ്രൊഫ.എം.കെ. സാനു മാഷിന്റെ അവ താരികയോടെ. പാച്ചുവിന്റെ രചനകൾ കേവലം കുട്ടിക്കളിയല്ലെന്നും ഉന്നതസാഹിത്യമൂല്യം ഉൾക്കൊളളുന്ന ഒന്നാണന്ന ഉറച്ച ബോധ്യം കൊണ്ടാണ് സാനു മാഷിനെ പോലൊരാൾ പുസ്തകത്തിന് അവതാരിക എഴുതാൻ സന്നദ്ധനായത്. 

പാച്ചുവിന്റെ കവിതകൾ' എന്നായിരുന്നു ഈ പുസ്തകത്തിന്റെ പേര്. ആസ്വാദകർ കവിതകളോട് മുഖം തിരിഞ്ഞു നിൽക്കുന്ന ഇക്കാലത്തും പാച്ചുവിന്റെ രചനകൾ വ്യാപകമായി സ്വീകരിക്കപ്പെട്ടു.

സ്കൂൾ തലത്തിൽ മാത്രമല്ല സാഹിത്യകുതുകികളായ പൊതുസമൂഹത്തിലും പാച്ചുവിന്റെ രചനകൾ ചർച്ച ചെയ്യപ്പെട്ടു. എട്ട് വയസിനുളളിൽ വിവിധ വിഷയങ്ങളെ അധികരി ച്ച് 243 ഓളം കവിതകൾ രചിച്ചു കഴിഞ്ഞു പാച്ചു എ ന്ന സദാശിവ്. തന്റെ രചനാ ലോകത്തെക്കുറിച്ച് പാച്ചു മനസ് തുറക്കുന്നു.

കളിച്ചുനടക്കേണ്ട പ്രായത്തിൽ കവിതകൾ എഴുതുക. അങ്ങനെ തോന്നാൻ കാരണം?

പ്രകൃതിയും അതിലെ ചലനങ്ങളും എനിക്കെന്നും കൗതുകമായിരുന്നു. കാറ്റും മഴയും മലകളും മേഘങ്ങളും കടലും നിലാവും എല്ലാം എനിക്ക് കൗതുകമായിരുന്നു. മറ്റുളളവർ സംസാരിച്ചും  ടി.വി. കണ്ടും സമയം കളയുമ്പോൾ ഞാൻ ചുറ്റിലും കാണുന്ന പലതിനെക്കുറിച്ചും ചി ന്തിച്ചു. ആലോചിച്ചു വന്നപ്പോൾ എന്റെതായ ചില ചിത്രങ്ങളും ആശയങ്ങളും മനസിൽ രൂപപ്പെട്ടു. മനസിൽ വന്നതൊകെ കടലാസിലേക്ക് പകർത്തി. അമ്മ അച്ഛനും പ്രോത്സാഹിപ്പിച്ചപ്പോൾ വീണ്ടും വീണ്ടും എഴുതാനുളള ഊർജ്ജമായി.