മകളിലെ 'മകളുടെ വിശേഷങ്ങൾ

കുട്ടിക്കാലം മുതൽതന്നെ സിനിമാ അഭിനയത്തിൽ വലിയ താൽപ്പര്യം ഉണ്ടായിരുന്നു. സ്ക്കൂളിലെ മിക്ക പരിപാടികളിലും ചാടിക്കയറി പങ്കെടുക്കുന്ന കുട്ടിയായിരുന്നു ഞാൻ. പക്ഷേ എങ്ങനെ സിനിമയിലേക്ക് വരണം എന്നു മാത്രം അറിയില്ലായിരുന്നു.

- പി.ജി.എസ്. സൂരജ്

“ഞാൻ പ്രകാശ'നിൽ കുറുമ്പിയായി വന്ന് ഒടുവിൽ നീറുന്ന വേദന സമ്മാനിച്ചു പോയ ടീനമോളെ പ്രേക്ഷകർ മറന്നിട്ടുണ്ടാവില്ല. ടീനമോളായപ്പോൾ ദേവിക പത്താം ക്ലാസ് വിദ്യാർത്ഥിനിയായിരുന്നു. ഇപ്പോഴിതാ സത്യൻ അന്തിക്കാടിന്റെ ചിത്രമായ മകളിൽ നായികയായി അരങ്ങേറ്റം കുറിച്ചിരിക്കുകയാണ് കൊയിലാണ്ടിക്കാരി. ബാംഗ്ലൂർ ക്രൈസ്റ്റ് കോളേജിലെ ഒന്നാം വർഷ ബിരുദ വിദ്യാർത്ഥിനി കൂടിയാണ് ഇപ്പോൾ ദേവിക.

മീരാജാസ്മിനൊപ്പമുളള അനുഭവം.

മീരച്ചേച്ചി അടിപൊളിയാണ്. വളരെ ഫ്രണ്ട്ലി ആയിട്ടാണ് അവർ നമ്മളോട് പെരുമാറുന്നത്. ഞാനൊഴിച്ചു മക ളുടെ സെറ്റിലുള്ളവരെല്ലാം വളരെ അനുഭവസമ്പത്തുള്ളവർ ആയിരുന്നു. അതുകൊണ്ടുതന്നെ എല്ലാവർക്കും ഒരുപാട് കഥകൾ പറയാനുണ്ടായിരുന്നു. കഥ കേൾക്കാൻ ഇഷ്ട മുള്ള ആളാണ് ഞാൻ. അതുകൊണ്ടുതന്നെ ബ്രേക്ക് സമ യത്ത് കഥ കേൾക്കാനായി ഞാൻ അവരുടെ കൂടെക്കൂടും. എന്റെ കഥ കേൾക്കാൻ താൽപ്പര്യം കാണിക്കുന്ന ഒരാളെ ഉള്ളൂ. അത് മീരച്ചേച്ചിയാണ്. സൗമ്യമായി ഇരുന്ന് നമ്മൾ പറയുന്നതൊക്കെ അവർ കേൾക്കും. കൂടെയുള്ളവരെ മനസ്സിലാക്കി അവരുടെ കൂടെ നിൽക്കുന്ന ആളാണ് മീരാജാസ്മിൻ.

എങ്ങനെയായിരുന്നു മകളിലേക്ക് എത്തിയത്.

പത്താം ക്ലാസിൽ പഠിക്കുമ്പോഴാണ് ഞാൻ പ്രകാശൻ ചെയ്യുന്നത്. ഒരു പ്ലസ് വൺ, പ്ലസ് ടു സമയമൊക്കെ ആയപ്പോഴാണ് മകൾ സിനിമയെ കുറിച്ച് സത്യൻ സാർ എന്നോട് പറയുന്നത്. പിന്നെ പലപ്പോഴും അതിനെക്കുറിച്ചുള്ള ചർച്ചകളായി. സത്യൻ അന്തിക്കാട് എന്ന സംവിധായകന്റെ ഏറ്റവും വലിയ പ്രത്യേകത അദ്ദേഹം നമ്മളെ ഒരു കംഫർട്ട് സോണിൽ നിർത്തിയിട്ടായിരിക്കും ഷൂട്ടിംഗ് തുടങ്ങുക എന്നതാണ്. അഭിനയത്തിൽ പോലും നമ്മുടേതായ ഇടം അടയാളപ്പെടുത്താൻ അദ്ദേഹം അവസരം തരും.

എങ്ങനെയായിരുന്നു ആദ്യസിനിമയിലേക്ക് എത്തിയത്.