മനക്കണക്കിന്റെ മനക്കരുത്തിൽ

കണക്കിനെ ഇഷ്ടത്തോടെ കണ്ടാൽ, ഒരു സുഹൃത്തിനെപ്പോലെ കരുതിയാൽ, കണക്ക് നമുക്ക് പ്രയാസമേ അല്ല.

- എൽസി 

കണക്കിനെ ഇഷ്ടത്തോടെ കണ്ടാൽ, ഒരു സുഹൃത്തിനെപ്പോലെ കരുതിയാൽ, കണക്ക് നമുക്ക് പ്രയാസമേ അല്ല.

തന്റെ മുന്നിലിരിക്കുന്ന കുട്ടികളോട് കഥകളിലൂടെ കണക്കിനെ പരിചയപ്പെടുത്തി പഠിപ്പിക്കുകയാണ് സറീന കെ.ടി എന്ന അദ്ധ്യാപിക.

കമ്പ്യൂട്ടറിനെ വെല്ലുന്ന മനക്കണക്കിലൂടെ തന്റെ വിദ്യാർത്ഥികളെ അന്തർദേശീയതലത്തിലെ പല മത്സരങ്ങളിലും പങ്കെടുപ്പിച്ച് വിജയിപ്പിച്ച് അബാക്കസ് അധ്യാപികയാണ് സറീന.കെ.ടി.

സ്ത്രീശാക്തീകരണത്തിന്റെ ഭാഗമായി അഞ്ഞുറോളം വരുന്ന പ്രത്യേക ട്രെയിനിംഗിലൂടെ അബാ എസ് അധ്യാപകരാക്കി മാറ്റി തൊഴിൽ നൽകി അവരുടെ ജീവിതം ഭദ്രമാക്കി മാറ്റിയ സറീന കെ.ടിയെ ‘മഹിളാരത്നം' വായനക്കാർക്കായി പരിചയപ്പെടുത്തുകയാണ്.

പ്രതിബന്ധങ്ങളെ തരണം ചെയ്ത നിശ്ചയദാർഢ്യം

 മലപ്പുറം വെട്ടിച്ചിറയിലെ മുസ്തഫ. കെ.ടിയു ടെയും ആമിനയുടെയും മകളായ സറീന കെ.ടി ചെറിയ പ്രായത്തിൽ തന്നെ വലിയ സ്വപ്നങ്ങൾ കണ്ടാണ് വളർന്നത്. കർഷക കുടുംബത്തിൽ ജനിച്ചതുകൊണ്ടുതന്നെ കൃഷിയെയും അധ്വാനത്തിന്റെ മഹത്വത്തേയും വളരെ വേഗം മനസ്സിലാ ക്കി. പഠിക്കുന്ന സമയത്തുതന്നെ സ്വന്തമായി വരുമാനം കണ്ടെത്തണമെന്നും അത് മറ്റുള്ളവർക്ക് കൂടി പ്രയോജനപ്പെടണമെന്നും ആഗ്രഹിച്ച നാളുകൾ. ഉപ്പയും ഉമ്മയും മറ്റുള്ളവരെ സഹായിക്കുന്നതു കണ്ട് വളർന്നതുകൊണ്ടാവാം സ്വന്തമായി വരു മാനം കണ്ടെത്തി മറ്റുള്ളവരെ സഹായിക്കണമെന്ന ചിന്ത മനസ്സിൽ ഉടലെടുത്തത്.