പ്രതീക്ഷകളും ജന്മദിനാഘോഷങ്ങളും

എക്സ്പറ്റെഷൻസ് വയ്ക്കുമ്പോഴാണ് കുറേയധികം മാനസികമായി സംഘർഷങ്ങളുണ്ടാകുന്നത്

- ജി. കൃഷ്ണൻ

നവംബറും ഡിസംബറും അടുത്തടുത്ത മാസങ്ങളാണല്ലോ. നവംബറിലും ഡിസംബറിലും ജന്മദിനം ആഘോഷിക്കുന്ന രണ്ട് പേരുടെ ഒത്തു ചേരലാണ് ഇവിടെ നടന്നിരിക്കുന്നത്. ശ്രുതി രജനികാന്തിന്റെയും അഞ്ജനയുടെയും.

ശ്രുതിയുടെ ജന്മദിനം വരുന്നത് നവംബർ മാസത്തിൽ ആയതു കൊണ്ടുതന്നെ നവംബർ മാസത്തിനോട് പ്രത്യേക ഇഷ്ടവും സ്നേഹവുമുണ്ടെന്ന് ശ്രുതി പറയുന്നു.

എന്റെ ലൈഫിൽ എന്റെ ബർത്ത് ഡേ എപ്പോഴും സ്പെഷ്യൽ തന്നെയായിരുന്നുവെന്ന് ശ്രുതി ഓർക്കുന്നു.

ശ്രുതിയുടെ ഒന്നാമത്തെ ജന്മദിനം, അതായത് ഒരു വയസ്സ് പൂർത്തിയാകുന്ന ആ പിറന്നാൾ ദിനം വളരെ ഗംഭീരമായി ആഘോഷിച്ചിരുന്നുവെന്നും ഒരു കല്യാണം നടത്തുന്നതു പോലെ വീട്ടിൽ പന്തലൊക്കെയിട്ട് ഒരുപാട് ആളുകൾ ആദ്യപിറന്നാൾ ദിനത്തിൽ പങ്കെടുത്തിരുന്നുവെന്നും അന്നത്തെ ആ ചടങ്ങിന്റെ ഫോട്ടോഗ്രാഫെല്ലാം വീട്ടിൽ ഇപ്പോഴുമിരിക്കുന്നതു കൊണ്ട് അതെല്ലാം എനിക്ക് കാണാനായി എന്നും ശ്രുതി അഭിപ്രായപ്പെട്ടു.

അതുകൊണ്ടുതന്നെ ഇപ്പോൾ എന്റെ ഓരോ ബർത്ത്ഡെ വരുമ്പോഴും അത് നന്നായി ആഘോഷിക്കാനുള്ള ഒരു ആവേശവും താൽപ്പര്യവും എനിക്കുണ്ട്.

ശ്രുതി അഞ്ജനയോടായി ചോദിച്ചു.

അഞ്ജനയുടെ ബർത്ത്ഡെ ഫംഗ്ഷനൊക്കെ എങ്ങനെയാ ആഘോഷിക്കുന്നത്?

അഞ്ജന പറഞ്ഞു.

“എന്റെ ബർത്ത്ഡെ ഞാനോ എന്റെ വീട്ടുകാരോ മാത്രമല്ല, ലോകമെമ്പാടുമുള്ളവർ ആഘോഷിക്കും.'

ഇതുപറഞ്ഞുകഴിഞ്ഞപ്പോൾ അഞ്ജന വലിയ ഒരു ചിരിയായിരുന്നു.

“എന്റെ ബർത്ത് ഡിസംബർ 31 ന് ആണ്.

“WOW എന്നു പറഞ്ഞുകൊണ്ട് ശ്രുതി അഞ്ജനയെ ആശ്ലേഷിച്ചു. പിന്നെ രണ്ടുപേരും ചേർന്ന് ഒരുമിച്ചുള്ള ചിരിയായി.

ഇനി അഞ്ജന കൂടുതലൊന്നും പറയേണ്ടതില്ല. ഡിസംബർ 31 ന്റെ രാത്രി ലോകമെമ്പാടുമുള്ളവർ ആഘോഷത്തിന്റെ തിമിർപ്പിലായിരിക്കും. പുതുവർഷത്തെ വരവേൽക്കുവാൻ. ആ ദിനത്തിലെ ജനനം അഞ്ജനയ്ക്ക് ഭാഗ്യമായി വന്നു ചേർന്നു.