છેડતી કરશો તો છોડીશું નહીં..

ગયા અઠવાડિયાની જ વાત. ઉત્તર પ્રદેશના દિલ્હી નજીક આવેલા ગ્રેટર નોઈડા વિસ્તારની એક પ્રાઈવેટ લક્ઝરી બસમાં બારમાં ધોરણમાં અભ્યાસ કરતી બે બાળા પ્રવાસ કરી રહી છે.

અચાનક ચાર ટપોરીએ એમની છેડતી કરવા માંડી. છળી મરેલી બાળાએ ડ્રાઈવરને બસ રોકવા કહ્યું, પણ ડ્રાઈવરે કહી દીધું: બસ નહીં રુકેગી.. કંઈ અણછાજતું બનવાનો અણસાર પામી બન્ને માસૂમ બાળાએ ચાલુ બસમાંથી કૂદકો મારી દીધો, જેમાં એમને ગંભીર ઈજા થઈ.