આ રીતે થાય લગ્નની ઉજવણી !

કોગેનાની મહામારીને ધ્યાનમાં રાખી સરકાર દ્વારા ગાઈડલાઈન જાહેર કરવામાં આવી છે. એ ગાઈડલાઈનનો મને કે કમને લોકોએ અમલ કરવો પડે છે. ખાસ તો લગ્નપ્રસંગમાં. કન્યા અને વરપક્ષના બન્ને આમંત્રિતોની સંખ્યા ૧૦૦થી વધુ ન હોવી જોઈએ, રસ્તા પર બૅન્ડ વગાડવાનું નહીં કે વરઘોડો કાઢવાનો નહીં, વગેરે. એને કારણે ધામધૂમથી લગ્ન કરવા ઈચ્છતા લોકોના હાથ બંધાઈ ગયા છે.

જો કે એ સામે કેટલાક પરિવારોને સરકારની ગાઈડલાઈનથી મદદ પણ મળી છે. આ એવો વર્ગ છે, જે લગ્નમાં થતો ખોટો ખર્ચ ટાળવા માગે છે, પરંતુ દેખાદેખી ખાતર કે સમાજના ડરે એમણે ખર્ચ કરવો પડે છે. અમુક લોકો એવા પણ છે કે લગ્નમાં ખોટા ખર્ચ ન કરી બચેલી રકમનો ઉપયોગ કરવા ઈચ્છે છે. વડોદરાની સમાજસેવિકા નિશિતા રાજપૂત આવી એક યુવતી છે.