വിജയ കുതിപ്പുമായി ഓൾ വിൻ

തൃശൂരിൽനിന്നൊരു ലോകോത്തര ബൈക്ക് റേസർ

- സുബിൻ ബാലൻ

വാലന്റീനൊ റോസിയും മാർക് മാർക്വസുമെല്ലാം സൂപ്പർ ബൈക്കു കൾ റേസിങ് ട്രാക്കിലൂടെ പറപറത്തുന്നതു കണ്ട് ആവേശം കൊള്ളാത്തവർ ചുരുക്ക മാണ്. പലരും അവരെപ്പോലെ റേസിങ് താരമാവാൻ കൊതിച്ചിട്ടുണ്ടാവും. എന്നാൽ, ആ സ്വപ്നത്തിലേക്കുള്ള ദൂരമോ വഴിയോ അറിയാതെ അത്തരം സ്വപ്നങ്ങൾ കൈമോശം വന്നവരാകും ഏതാണ്ടെല്ലാവരും. ഇവിടെയാണ് ഓൾവിൻ സേവ്യർ എന്ന മലയാളി പയ്യൻ വ്യത്യസ്തനാവുന്നത്. ഓൾവിന്റെ സൂപ്പർബൈക്ക് ലോക ചാമ്പ്യൻഷിപ്പ് എന്ന വലിയ സ്വപ്നം ഇന്ന് കയ്യെത്തും ദൂരത്തിലുണ്ട്.

ഓൾവിൻ സേവ്യറിന്റെ നേട്ടങ്ങളുടെ കണക്കെടുത്താൽ 'ഓൾ വിൻ' എന്ന പേര് അറിഞ്ഞിട്ടതാണെന്നു തോന്നും. മോട്ടർ സൈക്കിൾ റേസിങ് ആരംഭിച്ച് ഒരു വർഷ ത്തിനുള്ളിൽ ഇന്ത്യയിലെതന്നെ മുൻനിര റേസറാവുക. തുടർച്ചയായി പോഡിയങ്ങൾ നേടിക്കൊണ്ട് രണ്ടാം വർഷത്തിലെ പ്രൊ റേസറായി മാറുക. ഇന്ത്യയെ പ്രതിനിധീകരിച്ച് മലേഷ്യൻ സൂപ്പർബൈക്ക് ചാമ്പ്യൻ ഷിപ്പിൽ മത്സരിച്ച് മൂന്നാം സ്ഥാനം സ്വന്ത മാക്കുക. ഇതേ തുടർന്ന് ഏഷ്യയിലെ ഏറ്റവും ശ്രദ്ധേയമായ ബൈക്ക് റേസിങ് ചാമ്പ്യൻഷിപ്പായ എആർആർസി(ഏഷ്യൻ റോഡ് റേസിങ് ചാമ്പ്യൻഷിപ്പ്)യിലേക്ക് വൈൽഡ് കാർഡ് എൻട്രി ലഭിക്കുക. ഓൾവിൻ ഓടിച്ചുതീർത്ത ദൂരമില്ല, ഇനി വേൾഡ് ചാമ്പ്യൻഷിപ്പ് എന്ന സ്വപ്നത്തിലേക്ക്.

വേഗമാണ് ആവേശം

ബൈക്കുകളോടുള്ള ഇഷ്ടംകൊണ്ട് 12 വയസ്സു തൊട്ടേ ഓടിച്ചു നോക്കാനുള്ള ശ്രമങ്ങൾ തുടങ്ങിയിരുന്നു. കാലുപോലും എത്താതെയുള്ള സാഹസിക ശ്രമങ്ങൾ പലതവണ വീഴ്ചയിൽ അവസാനിച്ചു. വീഴ്ചകൾക്കൊടുവിൽ ഓടിച്ചുതുടങ്ങിയ പ്പോൾ റൈഡിങ് ആവേശമായി. അപ്പോഴും മോട്ടർസ്പോർടിനെക്കുറിച്ചോ ബൈക്ക് റേസിങ് എന്ന പ്രൊഫഷനെക്കുറിച്ചോ വലിയ ധാരണ ഓൾവിനില്ലായിരുന്നു.