അമിതവണ്ണം കുറയ്ക്കുന്നതിനുള്ള മാർഗ്ഗങ്ങൾ

വ്യായാമം ചെയ്യുക

ഇന്ന് പലരെയും അലട്ടുന്ന പ്രശ്നമാണ് അമിതവണ്ണം. തിരക്കിട്ട ജീവിതത്തിനിടയിൽ ആരോഗ്യകരമല്ലാത്തതും പോഷകഗുണങ്ങൾ കുറഞ്ഞതുമായ ഭക്ഷണക്രമവും വ്യായാമമില്ലായ്മയും അമിതവണ്ണത്തിന് കാരണമാകുന്നു. അമിതവണ്ണം കുറച്ച് ആരോഗ്യകരമായ ജീവിതം നയിക്കാ നുതകുന്ന കാര്യങ്ങൾ എന്തൊക്കെയാണെന്ന് നോക്കാം

 ലക്ഷ്യവും നിശ്ചയദാർഢ്യവും

 അമിതവണ്ണം കുറയ്ക്കുന്നതിന് ആദ്യം വേണ്ടത് കുറയ്ക്കുക എന്ന ലക്ഷ്യവും നിശ്ചയദാർഢ്യവുമാണ്. വണ്ണം കുറയ്ക്കാനുള്ള ശ്രമങ്ങൾ പാതി വഴിയിൽ ഉപേക്ഷിച്ച് പിൻതിരിയുന്നവരാണ് പലരും. ലക്ഷ്യം മുന്നിൽ കണ്ട് ഇതിനായുള്ള ഉറച്ച തീരുമാനമെടുക്കുകയെന്നതാണ് പ്രധാനം. തീരുമാനമെടുത്തു കഴിഞ്ഞാൽ അത് പാലിയ്ക്കുകയെന്നതാണ് മറ്റൊരു കാര്യം. ഇതാണ് തടി കുറയ്ക്കാൻ ശ്രമിക്കുന്നവർ നേരിടുന്ന പ്രധാന വെല്ലുവിളി. നമ്മുടെ ലക്ഷ്യം ഉറച്ചതാണെങ്കിൽ, ആ മാർഗ്ഗത്തിലേക്ക് തിരിയുന്നുവെങ്കിൽ ലക്ഷ്യം നേടാം.