கான்வே மாளிகைப் பேய்

தாரிணி மாமா தன்னுடைய இறக்குமதி ரக சிகரெட்டை இரண்டு இழுப்பு இழுத்து ஊதினார். சில நிமிட மௌனத்திற்குப்பின் அவர் சொன்னார், 'ஒருவர் தன்னுடைய கற்பனையிலிருந்து பேய்க்கதை சொல்லுவதென்பது சிரமமான காரியமல்ல.

- சத்யஜித்ராய், எஸ்.அற்புதராஜ்

அநேகமாக எல்லோரும் அதைச் சொல்லி விடலாம். ஆனால் ஒருவர் தன்னுடைய அனுபவத்திலிருந்து சொல்லுவதென்பது முற்றிலும் ஆகாத காரியம்" நான் கேட்கிறேன், "உங்களில் எத்தனை பேருக்கு நேர்மையாக, அனுபவபூர்வமாக பேய்க்கதை சொல்ல முடியும்?".

"உங்களால் முடியுமா?" -நேப்ளா அவரையே திருப்பிக் கேட்டான்.

"ம். முடியுமே. நான் சொல்ல முடியும்" எங்களைப் பார்க்காதவாறு தாரிணி மாமா சொன்னார்.