అడవిలో అన్వేషణ

దీయా తన అంకుల్ అశోక్ వాళ్ల ఊరికి వచ్చింది. ఆమెకు అడవిని చూడాలని ఉంది. నగరంలో నివసిస్తోంది కనుక అడవిని ఎప్పుడూ చూడలేదు. చాలాకాలం తర్వాత దీయా కలవడంతో అశోక్ కూతురు రైనాకి థ్రిల్గా ఉంది. దీయా ఊరికి చేరుకోగానే “రైనా, నాకు అడవిని చూడాలని ఉంది" అని చెప్పింది.

- ఓం ప్రకాశ్ క్షత్రియ

దీయా తన అంకుల్ అశోక్ వాళ్ల ఊరికి వచ్చింది. ఆమెకు అడవిని చూడాలని ఉంది. నగరంలో నివసిస్తోంది కనుక అడవిని ఎప్పుడూ చూడలేదు. చాలాకాలం తర్వాత దీయా కలవడంతో అశోక్ కూతురు రైనాకి థ్రిల్గా ఉంది. దీయా ఊరికి చేరుకోగానే “రైనా, నాకు అడవిని చూడాలని ఉంది" అని చెప్పింది.

“అవును, మీరిద్దరూ వెళ్లవచ్చు” అన్నాడు అశోక్ అంకుల్.

“అద్భుతం!” రైనా అరిచింది.

“ఈ రోజు వెళదాం” అంది. వెంటనే వాళ్లు అడవి వైపు బయలుదేరారు.

“అక్కడిదాకా మనం నడుస్తామా?" దీయా అడిగింది.

“మనం సైకిల్పై రోడ్డుపై వెళితే 15 కిలోమీటర్లు వెళ్లాలి. నడచి వెళితే మూడు కిలోమీటర్లు వెళ్లాలి. మనం అడవిని చూడాలనుకుంటే నడవాలి”.

“సరే, మనం నడుద్దాం”.

వాళ్లు బయలుదేరారు. ఊరవతల పచ్చని పొలాలు, పూల మొక్కలతో నిండిన తోటలు కనిపించాయి.

పొలాలు ముగిసిన చోట అడవి మొదలైంది.

“మనం ఇక్కడ ఉన్నాం" రైనా చెప్పింది.

దీయా తలాడించింది.

"ఏమిటా హక్ హక్ శబ్దం?”.

“కోతులు చెట్టు కొమ్మలపై కూర్చున శబ్దం అది" చెప్పింది రైనా.

“శబ్దాలు చాలా భయానకంగా ఉన్నాయి” అంది దీయా.

“మేము వాటికి అలవాటు పడ్డాం. కాబట్టి అవి మమ్మల్ని భయపెట్టవు" రైనా నడక కొనసాగిస్తూనే చెప్పింది. అడవి రకరకాల చెట్లు, పొదలతో నిండి ఉంది. నేలపై కింద పడినప్పుడు శబ్దం చేసే ఎండిపోయిన ఆకులు ఉన్నాయి. అకస్మాత్తుగా రైనా దీయాను ఒకవైపు లాగింది “ఆగు. ఇది రెండు తలల పాము" అంది.

దీయా ఎగిరి గంతేసి “ఏమిటిది?” అడిగింది.

“కిందికి చూడు”.

కిందికి చూసి వణికిపోయింది. ఆమె ఒక పాము పై అడుగు వేయబోయింది. అది గోధమరంగులో ఉంది. రైనా దానిని తీయడానికి వంగినప్పుడు దీయా “ఏం చేస్తున్నావ్? అది కాటు వేస్తుంది” అని అరిచింది.

"ఇది దోమూహీ. ఇది రెండు తలల పాము.దీన్ని పట్టుకుంటే మంచిది అంటారు".

ఆమె దాన్ని పట్టుకుని మరొక ప్రదేశంలో విడిచిపెట్టింది.