అనువాద సమస్య

అనువాద సమస్య

- కథ • నిలోయ్ కుర్మీ

ఒకవేళ మీరు, మీ క్లాస్మేట్స్ ఒకే భాష మాట్లాడకుండా వారిని స్నేహితులుగా చేసుకోకపోతే ఎలా అనిపిస్తుంది? 

ఇది చాలా బాధాకరమైన విషయమని, అనుభూతులను తెలియచేయలేమని అనిరుధ్కి తెలుసు. అందుకే అతడు మమోనీ సమస్యను అర్థం చేసుకున్నాడు. గౌహతి పబ్లిక్ స్కూల్కి ఆమె కొత్త.స్కూలు హాస్టల్ లోనే ఉండేది.

రాష్ట్రంలో ఇది ప్రసిద్ధి చెందిన స్కూలు.మెరుగైన విద్య కోసం తల్లిదండ్రులు అస్సాంలోని డిమా హసావో జిల్లాలో మారుమూల కొండ ప్రాంత పట్టణం నుంచి ఆమెను ఇక్కడికి పంపించారు.

ప్రారంభంలో కొత్త స్నేహితులను సంపాదించడానికి చాలా కష్టపడింది. సిగ్గుపడకుండా వ్యక్తులకు చేరువయ్యేలా ఎన్నో ప్రయత్నాలు చేసింది.

కానీ మొదట ఇంగ్లీషులో కొన్ని పదాలు మాట్లాడాక స్నేహితులు అస్సామీ భాషలోకి వెళ్లేవారు.మమోనీ తాను నివసించిన పట్టణంలో డిమాసా భాష మాట్లాడేది. అస్సామీలో కేవలం కొన్ని పదాలు అర్థం చేసుకునేది. అందువల్ల ఆమె వారితో మాట్లాడడానికి చాలా కష్టపడేది. వారితో సరిగ్గా కలవలేకపోయేది.

అదృష్టవశాత్తూ క్లాస్మేట్ అనిరుధ్ ఆమెను రక్షించాడు. అతని తల్లిదండ్రులు మమోనీ జిల్లా వారే. అతడు చిన్న పిల్లవాడిగా ఉన్నప్పుడు వారు గౌహతికి వచ్చారు. అందుకే ఈ నగరంలో పెరిగాడు.

అస్సామీ, డిమాసా రెండింటినీ బాగా అర్థం చేసుకోగలడు, మాట్లాడగలడు.

ఒక రోజు క్లాస్ రూమ్లో నిశ్శబ్దంగా కూర్చున్న మమోనీని చూసి ఆమె దగ్గరికి వచ్చాడు.

"భాషకు ఎలాంటి అవరోధం లేదు.అనువాదకుడు అనిరుధ్ ఇక్కడ ఉన్నంత వరకు” అంటూ మమోనీని ఉత్సాహపరిచాడు.

“భాషను అనువదించడానికి నీకు నేను సహాయం చేస్తాను. అప్పుడు నీకు ఎవ్వరినీ వదిలేసినట్లు అనిపించదు. అలాగే నువ్వు మా చర్చల్లోనూ పాల్గొంటావు" అన్నాడు.

మమోనీ అతనికి కృతజ్ఞతలు చెప్పకుండా ఉండలేకపోయింది. వాళ్లు చెప్పినట్లుగా అవసరమైన సమయాల్లో ఆదుకునే వారే నిజమైన స్నేహితులు అనుకుంది.

‘ఇది గొప్ప ఆలోచన. అస్సామీలో నేను మరింత నిష్ణాతురాలినయ్యేంత వరకు నాకు సహాయం చేయడానికి అనిరుధ్ ఇక్కడ ఉన్నాడు' అని తనను తాను ఓదార్చుకుంది మమోనీ.

కానీ స్నేహితులతో మాట్లాడుతున్నప్పుడు కొన్ని అస్సామీ పదాలను అనువదించమని ప్రతిసారీ అనిరుధ్నో అడగడం ఆమెకు ఇబ్బందిగా అనిపించింది. దాంతో సంభాషణలో అంతరాయం కలిగేది.