ర్యాటీ తోక కథ

ర్యాటీ తోక కథ

- కథ • లలిత్ శౌర్య

ర్యాటీ ఎలుక రెండు నెలల క్రితం లండన్ నుంచి వచ్చిన తన బంధువు చింకీ చిప్మంక్తో ఆనందవనంలో నివసిస్తూ ఉండేవాడు. ఒక రోజు ర్యాటీ ఇంట్లో విచారంగా కూర్చొని ఉన్నాడు.

“ఏమైంది ర్యాటీ, బాధపడుతున్నట్లున్నావు. నిన్ను ఎవరైనా ఇబ్బంది పెట్టారా? ఆ పెద్ద పిల్లి కొట్టిందని మాత్రం నాకు చెప్పకు. లేకపోతే, నువ్వు ఆకలితో ఏమైనా బాధపడుతున్నావా? అందుకేనేమో నువ్వు ఇంత సన్నగా కనిపిస్తున్నావు" అన్నాడు చింకీ.

"చింకీ, నేను నా తోక గురించి బాధపడుతున్నాను.

ఒకసారి దాన్ని చూడు. నాకు నీలాంటి తోక కావాలి.ఎంత అందంగా ఉంది. మెత్తని వెంట్రుకలతో,నునుపుదేలి ఉంది. నా తోక నాకు అస్సలు నచ్చదు” అని చెప్పి నిట్టూర్చాడు ర్యాటీ.

చింకీ నవ్వాడు.

“అదా? కేవలం వెంట్రుకలు మాత్రమే కాదు, కావాలంటే నీ తోకపై పూలు పెంచుకోవచ్చు. దీనికి సరైన వ్యక్తి నాకు తెలుసు. అడవిలోకి కొత్తగా వచ్చాడు.అతని పేరు బేరీ ఎలుగుబంటు. అతని దగ్గర ఎన్నో నివారణోపాయాలు ఉన్నాయని నేను విన్నాను. అతడు నీ తోకపై ఒత్తుగా వెంట్రుకలు పెరిగేలా చేస్తాడు”.అన్నాడు చింకీ. “నిజంగానా? అతను చేయగలడా? నా తోకపై ఒత్తుగా, మెరిసేలా, అందమైన జుట్టు పెంచగలడా?" ఆత్రంగా అడిగాడు ర్యాటీ.

“అవును. నిజమే. బేరీ తన మందుతో రిక్కీ రైనో కొమ్ములపైన వెంట్రుకలను సృష్టించాడు. సమీప నదిలో నివసించే గోల్డ్ ఫిష్ తలపై ఉన్న వెంట్రుకలు ఇతను తెప్పించినవే” అని చింకీ వివరించాడు.