విన్ - విన్ గేమ్!

విన్ - విన్ గేమ్!

- కథ • సర్వమిత్ర

"ఈ రోజు మనం ఏమి ఆడుతున్నాం?” అదితి తన ఉన్న చోటే జాగింగ్ చేస్తూ అడిగింది.ఆమె నిలకడగా నిల్చొని ఉండదు. అందుకే ఆమెను అందరూ వెక్కిరించేవారు. కానీ ఆమె తనను తాను శక్తివంతురాలు గానే భావిస్తుంది. అలాగే ఆమె స్నేహితుడు మనన్ సైతం అలాగే భావిస్తాడు.

“వైకుంఠపాళి” అన్నాడు మనన్ నవ్వుతూ 'వైకుంఠపాళి' పటాన్ని పట్టుకుని పార్కుకు తీసుకెళ్లాడు.

అసంతృప్తితో అదితి మూతి వంకర తిప్పింది. అదితికి ఒకే చోట కూర్చొని ఆడే ఆటలంటే ఇష్టం ఉండదు కదా అందుకని పాఠశాలలో మాస్టార్లు పాఠాలు చెప్పే సమయాల్లోనూ ఆమె సాకులు చెబుతూ తిరుగుతూ ఉంటుంది. ఒకసారి నోట్బుక్ను తిరిగి ఇవ్వటానికి బయటకు వెళ్తుంది. మరోసారి 'టాయిలెట్' అంటుంది. ఇంకోసారి వాలంటరీ వర్క్ అంటూ అటూ ఇటూ తిరుగుతుంది. పట్టుమని కొంచెంసేపు కూడా క్లాస్ రూంలో కూర్చోవాలంటే ప్రాణం మీదకు వస్తుందామెకు. మనన్ ఆమెకు బెస్ట్ ఫ్రెండ్.అతనికి ఆమె గురించి తెలియదంటే ఎలా? కానీ ఆమె ఏదో చెప్పేలోపే అతను 'ట్విస్ట్' ఇచ్చాడు.

“ప్రతి డై తో పందెం వేసినప్పుడల్లా ప్రత్యర్థి ఆటగాడు ఒక పని చేయాలని టాస్క్ ఇస్తాడు.అప్పుడు దాన్ని చేయాలి మరి" అన్నాడు.

“ఓహ్! అలా అయితే చాలా సరదాగా ఉంటుంది. నిన్ను కోతి లా పల్టీలు కొట్టేలా చేయించడానికి నాకు అవకాశం ఉంది. మిత్రమా, నేను రెడీ" అన్నది. అదితి కళ్లు మరింత ఎంజాయ్ చేస్తూ ఆడుకోవచ్చని చెబుతున్నాయి.

మనన్ చాలావరకు ఇంట్లోనే ఉంటాడు. అవుట్ డోర్ ఆటలు అతనికి ఎక్కువగా ఇష్టం ఉండదు.

సైకిల్ రైడ్ పొమ్మంటే అతను పుస్తకాలను చదవాలంటాడు. అదితి అందుకు విరుద్ధంగా చేస్తుంది. భిన్న ధృవాలు కలవారైనా వారిద్దరూ మంచి స్నేహితులుగా మారారు. తమ ఇష్టాయిష్టాలను పక్కన పెట్టి ఒకరికొకరు సమయం కేటాయించుకునే వారు.

“ఒక షరతు” అన్నాడు మనన్.

“ఇద్దరం అలసిపోయే వరకు ఆట ఆడదాం.

ఆటను ఎక్కడైతే ఆపుతామో మరుసటి రోజు అక్కడి నుంచే ఆటను కొనసాగించవచ్చు. కానీ ఇద్దరం అంగీకరించే వరకు ఆటను ఆపవద్దు”.

త్వరలో జరగనున్న పరీక్షలను దృష్టిలో పెట్టుకుని అలా అన్నాడు. తన నిబంధనల ప్రకారం అదితి గేమ్ ఆడాలని కోరుకున్నాడు.

“మనన్ ఏనుగులు తమ వీపుపై, తలల పైన మట్టిని, ఇసుకను పోసుకోవడం నువ్వు ఎప్పుడైనా చూసావా?" అడిగింది అదితి.