కొంటె ఎలుకలు

హరితవనంలో రోరో, మోమో, కోకో అనే మూడు కొంటె ఎలుకలు ఉండేవి.

- కథ • కుముద్ కుమార్

హరితవనంలో రోరో, మోమో, కోకో అనే మూడు కొంటె ఎలుకలు ఉండేవి. మూడు ఎలుకలు అల్లరి చేయడంలో మాస్టర్స్. అవి చాలా తెలివిగా చాకచక్యంగా వ్యవహరిస్తూ ఉండేవి. అవి ఇబ్బందులను కలిగించిన తర్వాత ఎవరికీ పట్టుబడేవి కావు. తప్పించుకునేవి.

ఎల్విస్ ఏనుగుతో సహా ఎలుకల చేష్టల వల్ల అడవిలోని జంతువులన్నీ చాలా ఇబ్బంది పడ్డాయి.ఈ ఎలుకలు ఒకరి సైకిల్ టైర్లను గాలిలోకి విసిరేసి పారిపోయేవి. లేదా ఎవరైనా కూర్చోబోతున్నప్పుడు చటుక్కున స్టూల్ను తీసివేసేవి. దాంతో వారు కింద పడిపోయేవారు. అక్కడ ఉన్న వారందరూ నవ్వడంతో వారు అవమానంతో బాధపడేవారు. అటవీ జంతువులన్నీ తమను కాకుండా ఇతరులను ఆటపట్టించినంత వరకు ఎలుకల చిలిపి చేష్టలతో వినోదాన్ని పొందేవి.

ఎల్విస్ లావుగా ఉండి చురుకుదనం లేకపోవడంతో అతన్ని ఎక్కువగా ఆటపట్టిస్తూ, ఆనందిస్తూ ఉండేవి. ప్రతి ఒక్కరూ ఆ కొంటె ఎలుకలతో విసుగు చెందారు. కానీ ఈ ఎలుకలు "క్యాటీ" పిల్లితో మాత్రం జాగ్రత్తగా ఉండేవి.

ఎలుకలు ఎంత తెలివైనవని భావించినా అవి "క్యాటీ”కి సరిపోలేవని అటవీ నివాసులకు తెలుసు.

"క్యాటీ" ఎలుకలు చేసిన అల్లరితో విసుగెత్తి అందరి ముందు గుంజీళ్లు తీయించిన సంఘటనలు ఎన్నో ఉన్నాయి.

ఏ చిన్నపాటి శబ్దం చేసినా "క్యాటీ” వెంటనే వాటిని తిట్టేది. అవి దాని నుంచి తప్పించుకోలేకపోయేవి.

హరితవనంలో దసరా ఏర్పాట్లు ముమ్మరంగా సాగుతుండడంతో ప్రతి ఏడాది మాదిరిగానే జాతరలో రోరో, మోమో, కోకో లు మూడూ కలిసి స్టాల్ను ఏర్పాటు చేసాయి. ఈ సంవత్సరం "క్యాటీ” కి గుణపాఠం చెప్పాలనే ఉద్దేశంతో చాట్, గోల్గప్పా స్టాల్ను ఏర్పాటు చేసాయి.

తమ స్టాల్కి 'స్పెషల్ చాట్ అండ్ గోల్ గప్పా' అని పేరు పెట్టాయి. కమ్మని తినుబండారాలను చూసి బాటసారుల నోళ్లలో నీళ్లు ఊరాయి. ఈ స్టాల్ పెద్ద సంఖ్యలో జనాన్ని ఆకర్షించింది.

కొంతమంది గోల్గప్పాలను ఆస్వాదించగా, మరికొందరు స్పైసీ టిక్కీ చాట్ను ఇష్టపడ్డారు.అందరూ స్టాల్ నుంచి వెళ్లిపోతూ “హే, గోల్ గప్పా, టిక్కీ తినడం చాలా సరదాగా ఉంది.

చాలా రుచికరంగానే కాకుండా కారంగా ఉన్నాయి!" అని చెప్పారు.

ఎల్విస్ ఏనుగు అతని స్నేహితులు ఈ ఎలుకలకు గుణపాఠం చెప్పాలనుకున్నారు. తమ వ్యూహంలో భాగంగానే పక్కా ప్లాన్ వేసుకుని క్యాటీ వద్దకు వెళ్లారు.