സംരക്ഷിക്കാം പ്രകൃതിയെ

ജൂൺ 5 - പരിസ്ഥിതിദിനം

- ഡോ. അബേഷ് രഘുവരൻ

കൂട്ടുകാർ പരിസ്ഥിതിദിനം ആചരിക്കാറുണ്ടോ? സ്കൂളുകളിൽ മരം നട്ടും, പോസ്റ്റർ നിർമാണത്തിനുള്ള മത്സരങ്ങൾ സംഘടിപ്പിച്ചും ഒക്കെ നാം പരിസ്ഥിതിദിനം ആഘോഷിക്കാറുണ്ടെങ്കിലും നമ്മുടെ പ്രകൃതിയെ സംരക്ഷിക്കുവാനുള്ള എന്തൊക്കെ കാര്യങ്ങൾ കൂട്ടുകാർ ചെയ്യാറുണ്ട്? സ്വയം ഒന്ന് ചിന്തിച്ചുനോക്കൂ.

പ്രകൃതിയുടെ നിലനില്പാണ് നമ്മുടെ ഓരോരുത്തരുടെയും നിലനില്പ്. പ്രകൃതിയില്ലെങ്കിൽ നാം ഓരോരുത്തരും ഇല്ലാ യെന്നുതന്നെ പറയാം. എന്നാൽ അറിഞ്ഞോ അറിയാതെയോ നമ്മുടെ ഓരോ പ്രവൃത്തിയും പ്രകൃതിയുടെ നാശത്തിനാണ് വഴിവെക്കുന്നത്. ഉദാഹരണത്തിന് വികസനത്തിന്റെ ഭാഗമായി വീടും, റോഡും ഒക്കെ പണിയുവാനായി എത്രയെത്ര മരങ്ങളാണ് നാം വെട്ടി നശിപ്പിക്കുന്നത്. എത്രയോ കുന്നുകളാണ് ഇടിച്ചുനിരത്തു ന്നത്. എത്രയോ പാറകളാണ് പൊട്ടിക്കുന്നത്. ഇതെല്ലാം പ്രകൃതിയ്ക്കുണ്ടാക്കുന്ന ആഘാതം എത്രയായിരിക്കും അല്ലേ? എന്നാൽ ഇതെല്ലാം തീർത്തും ഒഴിവാക്കണം എന്ന് പറയുന്നതും പ്രായോഗികമല്ല. പക്ഷെ പരമാവധി ഒഴിവാക്കുകയോ മറ്റ് ബദൽ മാർഗങ്ങൾ തേടുകയോ വേണം