ബാങ്കുകളിൽ 4451 ഓഫിസർ

പി ഒ , എസ് ഒ അവസരം

പൊതുമേഖലാ ബാങ്കുകളിലെ പ്രബേഷനറിഓഫിസർ/മാനേജ്മെന്റ് ട്രെയിനി, സ്പെഷലിസ്റ്റ് ഓഫിസർ തസ്തിക യിലേക്ക് ഇൻസ്റ്റിറ്റ്യൂട്ട് ഓഫ് ബാങ്കിങ് പഴ്സനേൽ സിലക്ഷൻ (ഐബിപി എസ്) അപേക്ഷ ക്ഷണിച്ചു. പ്രബേഷനറി ഓഫിസർ (പിഒ)/മാനേജ്മെന്റ് ട്രെയിനി തസ്തികയിൽ 3049 ഒഴിവും സ്പെഷലിസ്റ്റ് ഓഫിസർ (എസ്) തസ്തികകളിൽ 1402 ഒഴിവുമാണുള്ളത്. വ്യത്യസ്ത വിജ്ഞാപനങ്ങളാണ്. ഓൺലൈൻ അപേക്ഷ ഓഗസ്റ്റ് 21 വരെ.

അവസരം 11 ബാങ്കുകളിൽ

പൊതു പൊതുമേഖലാ ബാങ്കുകളിലെ പി എസ് നിയമനങ്ങൾക്കായി ഐബി പിഎസ് നടത്തുന്ന 13-ാം എഴുത്തുപരീക്ഷയാണിത്. ബാങ്ക് ഓഫ് ബറോഡ, ബാങ്ക് ഓഫ് ഇന്ത്യ, ബാങ്ക് ഓഫ് മഹാരാഷ്ട്ര, കാനറ ബാങ്ക്, സെൻട്രൽ ബാങ്ക് ഓഫ് ഇന്ത്യ, ഇന്ത്യൻ ബാങ്ക്, ഇന്ത്യൻ ഓവർസീസ് ബാങ്ക്, പഞ്ചാബ് നാഷനൽ ബാങ്ക്, പഞ്ചാബ് ആൻഡ് സിന്ധ് ബാങ്ക്, യൂ ക്കോ ബാങ്ക്, യൂണിയൻ ബാങ്ക് എന്നീ ബാങ്കുകളിലാണ് അവസരം. ഈ പരീക്ഷ എഴുതിയവരെ മാത്രമേ ഈ ബാങ്കുകളിലെ അടുത്ത സാമ്പത്തിക വർഷത്തെ (2024-25) പി/മാനേജ്മെന്റ് ട്രെയിനി, എസ് നിയമനങ്ങൾക്കു പരിഗണിക്കൂ. ഐബിപിഎസ് പൊതു പരീക്ഷയിൽ നേടുന്ന സ്കോറിന്റെ അടിസ്ഥാനത്തിലാണു പ്രാഥമിക തിരഞ്ഞെടുപ്പ്. തുടർന്ന് ഇന്റർവ്യൂവും നടത്തും. പൊതുപരീക്ഷയിലും ഇന്റർവ്യൂവിലും ലഭിക്കുന്ന മാർക്കിന്റെ അടിസ്ഥാനത്തിൽ ഷോർട് ലിസ്റ്റ് ചെയ്യപ്പെടുന്നവരെ ബാങ്കുകളിൽ ഒന്നിലേക്ക് അലോട്ട് ചെയ്യും. ഒഴിവുകളുടെ എണ്ണം ഇനിയും വർധിച്ചേക്കാം. ഈ വിജ്ഞാപനപ്രകാരം 2025 മാർച്ച് 31 വരെ നിയമനം നടത്തും.

സ്കോർ: അപേക്ഷകർക്ക് ക്രഡിറ്റ് 650 പോയിന്റ് സിബിൽ സ്കോർ ഉണ്ടാകണം. സ്വന്തമായി ബാങ്ക് അക്കൗണ്ട് ഇല്ലാത്ത ഉദ്യോഗാർഥികൾക്കു നിബന്ധന ബാധകമല്ല.

പ്രബേഷനറി ഓഫിസർ

 യോഗ്യത: ഏതെങ്കിലും വിഷയത്തിൽ ബിരുദം അല്ലെങ്കിൽ തത്തുല്യം.2023 ഓഗസ്റ്റ് 21 അടിസ്ഥാനമാക്കി യോഗ്യത കണക്കാക്കും.

പ്രായം: 20-30. പട്ടികവിഭാഗക്കാർക്ക് അഞ്ചും ഒബിസിക്കു മൂന്നും അംഗ പരിമിതർക്കു പത്തും വർഷം ഇളവ്.വിമുക്തഭടൻമാർക്കു നിയമാനുസൃത ഇളവ്. 2023 ഓഗസ്റ്റ് 1 അടിസ്ഥാന മാക്കി പ്രായം കണക്കാക്കും.