ഇതു പഠിച്ചാൽ 'സുരക്ഷിത ജോലി!

ജീവിതസുരക്ഷയ്ക്കു സഹായിക്കുന്ന ഇൻഷുറൻസ് കമ്പനികളിലുണ്ട്, മികച്ച ധാരാളം തൊഴിലവസരങ്ങൾ. അതിനു ചേരുന്ന പഠനസാധ്യതകൾ പരിചയപ്പെടാം.

- ബി.എസ്.വാരിയർ

ഇൻഷുറൻസ് കമ്പനികളുടെ പ്രവർത്തനത്തിന് വ്യത്യസ്ത ചുമതലകൾ വഹിക്കുന്നവരുടെ സേവനം ആവശ്യമാണ്.

വലിയ കമ്പനികളിൽ ഓഫിസർ തലത്തിലെ നിയമനത്തിന് ദേശീയതല മത്സരപ്പരീക്ഷയും തുടർന്ന് ഇന്റർവ്യൂവുമുണ്ട്. എൽഐസിയിൽ എഎ ഒ (അസിസ്റ്റന്റ് അഡ്മിനിസ്ട്രേറ്റിവ് ഓഫിസർ), ജനറൽ ഇൻഷുറൻസിൽ (അഡ്മിനിസ്ട്രേറ്റിവ് ഓഫിസർ) തുടങ്ങിയവ. നല്ല മാർക്കോടെ സർവകലാശാലാ ബിരുദമുള്ളവർക്കു ശ്രമിക്കാം.

ഇതിനു പുറമേ, കംപ്യൂട്ടർ മേഖലയിലും മറ്റും വിദഗ്ധസേവനത്തിനും ഓഫിസർമാരെ തിരഞ്ഞടുക്കുന്നു. ഓഫിസ് അസിസ്റ്റന്റുമാരെ തിരഞ്ഞടുക്കാനുമുണ്ട് മത്സരപ്പരീക്ഷ. ബിരുദധാരികൾക്ക് അപേക്ഷിക്കാം. ഇന്റർവ്യൂവില്ല.

ഇൻഷുറൻസ് ഏജന്റ് (ഇൻഷുറൻസ് അഡ്വൈസർ), അണ്ടർ-റൈറ്റർ, സർവേയർ/ലോസ് അസസർ, ക്ലെയിംസ് എക്സാമിനർ, ക്ലെയിംസ് അന ലിസ്റ്റ്, ക്ലെയിംസ് പോളിസി പ്രോസസിങ് അസി സ്റ്റന്റ്, ലോസ് കൺട്രോൾ സ്പെഷലിസ്റ്റ്, കസ്റ്റമർ സർവീസ് മാനേജർ, ആക്ച്വറി തുടങ്ങി പല തലങ്ങളിൽ ജോലികൾ വേറെയുമുണ്ട്.