അൽജീരിയയെ നയിക്കാൻ വീണ്ടും ടബൂൺ

സൈനിക സഹായത്തോടെ 2019ൽ അൽജീരിയ പ്രസിഡന്റായ അബ്ദുൽ മജീദ് ടബൂൺ വീണ്ടും അധികാരത്തിലെത്തുമ്പോൾ...

- അജീഷ് മുരളീധരൻ

വടക്കൻ ആഫ്രിക്കൻ രാജ്യമായ അൽജീരിയയുടെ പ്രസിഡന്റായി രണ്ടാമതും തിരഞ്ഞടുക്കപ്പെട്ടിരിക്കുകയാണ് എഴുപത്തെട്ടുകാ രനായ അബ്ദുൽ മജീദ് ടബൂൺ. 94% വോട്ട് നേടി ടബൂൺ വിജയിച്ചുവെന്നാണ് അൾജീരിയയുടെ ദേശീയ തിരഞ്ഞെടുപ്പ് സമിതി അറിയിച്ചത്. അദ്ദേഹത്തിന്റെ രണ്ട് എതിർസ്ഥാനാർഥികൾക്ക് 3.1, 2.1 ശതമാനം വീതം വോട്ട് മാത്രമേ ലഭിച്ചിട്ടുള്ളു.

ഫ്രാൻസിന്റെ കോളനിഭരണത്തിനെതിരെ അൽജീറിയ നടത്തിയ സ്വാതന്ത്ര്യസമരത്തിലെ മുന്നണിപ്പോരാളിയും 1999 മുതൽ 2019 വരെ അൽജീറിയ പ്രസിഡന്റുമായിരു ന്ന അബ്ദുൽ അസീസ് ബുദിഫ്തീകയുടെ പിൻഗാമിയാ ണ് ടബൂൺ. ജനകീയപ്രക്ഷോഭത്തിന്റെ ഫലമായി 2019 ഏപ്രിലിൽ ബുദിഫ്തീക സ്ഥാനമൊഴിഞ്ഞതിനെത്തുടർ ന്ന് സൈന്യത്തിന്റെ പിന്തുണയോടെ ടബൂൺ പ്രസിഡനാവുകയായിരുന്നു.