மல்லிப்பூ பேசுதே!

நேர்காணல்

- கணேஷ்

'வெயிட் பண்ணுங்க. ஜஸ்ட் இன்னும் த்ரீ மந்த்ஸ்திலே தமிழ்ல சூப்பரா போல் றேண்ணா’ இந்தியும் இங்கிலீஸும் கலந்து தமிழைப் பொளந்து கட்டுகிறார் மராட்டியை தாய்மொழியாகக் கொண்ட சித்தி இத்னானி.

கவுதம் மேனனின் 'வெந்து தணிந்தது காடு' படத்தின் மூலம் தமிழில் நுழைந்து, அடுத்து, ஹரிஷ் கல்யாணுக்கு ஜோடியாக சசியின் ‘நூறு கோடி வானவில்', முத்தையா இயக்கத்தில் ஆர்யாவுடன் 'காதர்பாட்ஷா என்கிற முத்துராமலிங்கம்' வரை வந்து சேர்ந்திருக்கிற சித்தி இத்னானி தமிழ், தெலுங்கில் இப்போது மோஸ்ட் வாண்டட் ஹீரோயின்.

'அந்திமழை' பேட்டிக்காக நட்சத்திர ஹோட்டல் ஒன்றில் அவரை சந்தித்தபோது, 'தமிழ் பேசுவீங்களா? என்று ஆரம்பித்தபாது கிடைத்த பதில்தான் முதல் வரி. இன்னொரு மூன்று மாதங்களுக்கு தமிழ் பொழைச்சுப் போகட்டும் என்ற நல்லெண்ணத்தில் பேட்டியை ஆங்கிலத்தில் தொடர்ந்தோம்.