Troll...Negativityயால் நொறுங்கிப் போகிறேன்....

ராஷ்மிகாவின் மனதுக்குள் இவ்வளவு வலியா என்று யோசிக்க வைத்திருக்கிறது ரசிகர்களுக்கு அவர் எழுதியுள்ள லேட்டஸ்ட் ஓப்பன் லெட்டர்.

- ஜான்சி

அதைப் படிக்கும் போதே எந்தளவுக்கு ட்ரோல்களும் நெகட்டிவிட்டியும் அவரைக் காயப்படுத்தி இருக்கிறது என்பதைப் புரிந்து கொள்ள முடிகிறது.ராஷ்மிகா மந்தனா அப்படி அந்தக் கடிதத்தில் என்னதான் சொல்லியிருக்கிறார்?

‘கடந்த சில நாட்களாகவே, அவ்வளவு ஏன் சில வாரங்கள், மாதங்கள், வருடங்கள் என்று கூட சொல்லலாம்... இரண்டு, மூன்று விஷயங்கள் என்னைத் தொந்தரவு செய்துகொண்டே இருக்கின்றன. அந்த விஷயங்களை சரி செய்ய சரியான நேரம் இதுதான் என நினைக்கிறேன்.நான் எனக்காக மட்டுமே பேசுகிறேன்.

 

இதை சில வருடங்களுக்கு முன்பே நான் செய்திருக்க வேண்டும்.சினிமாவில் என்னுடைய கரியரை தொடங்கியதிலிருந்தே வெறுப்புகளை அதிகம் எதிர்கொள்கிற நிலையில்தான் இருக்கிறேன். உண்மையைச் சொல்ல வேண்டுமென்றால் சமூகவலைத்தளங்களில் எக்கச்சக்கமான ட்ரோல்கள். ஏகப்பட்ட நெகட்டிவிட்டி.