18,200 கிமீ தூரம்...டூவீலரில் ஹனிமூன் சென்ற தம்பதி!

ஒன்றோ... இரண்டோ 'அல்ல. 23 மாநிலங்கள். ஐந்து யூனியன் பிரதேசங்கள். தவிர, நேபாளம். மொத்தமாக சுமார் நான்கு மாதங்கள், 18 ஆயிரத்து 200 கிமீ என இந் தியா முழுவதையும் சுற்றி வந் திருக்கின்றனர் தமிழகத்தைச் சேர்ந்த லோகேஸ்வரி - பிரேம் தம்பதியர். அதுவும் டூவீலரில்!

- பேராச்சி கண்ணன்

"தீபாவளிக்கு ரெண்டு நாளுக்கு முன்னாடிதான் சென்னை வந்து சேர்ந்தோம். இன்னமும் உடல்ல அலுப்பு இருக்கிறமாதிரி ஓர் உணர்வு இருக்கு. அதைவிட போயிட்டு வந்த நினைவுகளையும் சந்தோ ஷங்களையும் பேசித் தீர்க்கிறதே அலாதி சுகமா இருக்கு...” உற்சாக மாகச் சொல்லும் லோகேஸ்வரி, எப்படி தொடங்கியது இந்தப் பயணம் என விவரித்தார்.

"எனக்கு சொந்த ஊர் தஞ் சாவூர் பக்கம் நீடாமங்கலம். பி.இ முடிச்சிருக்கேன். அடிப்ப டையில் நான் மாணவர் பத்தி ரிகையாளராக இருந்து மீடியா விற்குள் வந்தேன். சென்னையில் வேலைக்கு வந்தப்ப என் தோழிகளுடன் அவுட்டிங் போறதுனு 2014ல் ஆரம்பிச்சேன். 

முதல்ல மாசத்திற்கு ஒரு பயணம்னு தொடங்கினது. அது 2016-17ல் வாரத்திற்கு ஒண்ணுனு மாறுகிற அளவுக்கு ஆர்வமாகிடுச்சு. கிடைக்கிற லீவு நாட்கள்ல கேரளா, கர்நாடகா, ஆந்திரா, தமிழ்நாடுனு பார்க்க வேண்டிய இடங்களுக்குப் போயிட்டு வந் தேன்.