இத்தாலியைச் சேர்ந்த சிவப்பு பேரிக்காயை விளைவிக்கும் காஷ்மீர் விவசாயி!

ஒரு விவசாயி நினைத்தால் ஓர் ஊரின் தலையெழுத்தையே மாற்ற முடியும். இதற்கு உதாரணமாகத் திகழ்கிறார ஹாஜ முகமது ஷஃபி ஷேக்.

இந்தியாவின் முக்கியமான சிவப்பு பேரிக்காய் விவசாயி இவர்.

காஷ்மீரில் உள்ள பரோவா எனும் கிராமத்தைச் சேர்ந்த விவசாயிக ளின் வாழ்க்கையை மாற்றியவரும் இவரே. யாராவது துணிச்சலுடன் ஒரு புது விஷயத்தில் இறங்கும் போது, அது எப்படி சுற்றியிருப்ப வர்களின் வாழ்க்கையிலும் ஒளியைப் பாய்ச்சுகிறது என்பதற்கு ஹாஜி யின் கதையே சாட்சி.

காஷ்மீ ரில் உள்ள பரோவாவில் பிறந்து வளர்ந்தவர் ஹாஜி. எண்பதுகளில் வனத் துறையில் கான்ட்ராக்டராக வேலை செய்து வந்தார். காஷ்மீர் முழுவதும் பயணித்துக்கொண்டே இருப்பது அவரது வேலையின் ஒரு பகுதி.

இந்தப் பயணத்தின் போது அவரது தம்பி அப்துல் ரஷீத் ஷேக்கையும், உறவினர் குலாம் நபியையும் தன்னு டன் சேர்த்துக்கொள்வார்.

ஹாஜி, அப்துல், குலாம் ஆகிய மூவரும் சேர்ந்து காஷ்மீரில் உள்ள புதுப்புது இடங்களைத் தேடி பயணிப் பார்கள். அப்படி பயணிக்கும்போது நிஷாத் எனும் ஊருக்குச் சென்றனர்.

அங்கே இருந்த அழகான பச்சை பேரிக்காய் தோட்டம் ஹாஜியை ரொம்பவே வசீகரித்தது. அதற்கு முன்பு அப்படி ஒரு பழத் தோட்டத்தை அவர் பார்த்ததே கிடையாது.

அந்த தோட்டத்துக்குள் இருந் ததே மூன்று பேருக்கும் மகிழ்ச்சி யைக் கொடுத்தது. தோட்டத்தின் உரிமையாளருடைய அனுமதி யுடன் அங்கேயே சில மணி நேரம் செலவிட்டனர். அத்து டன் உரிமையாளரிடம் பச்சை பேரிக்காய் குறித்த அனைத்து விவரங்களையும் கேட்டுத் தெரிந்துகொண்டார் ஹாஜி.

தனது சொந்த ஊரான பரோவாவில் பச்சை பேரிக்காய் தோட்டத்தை உருவாக்க வேண் டும் என்ற ஆசை ஹாஜியைப் பற்றிக்கொண்டது. ஆனால், அவரது ஊரில் இருந்த விவசா யிகள் சோளம் மற்றும் ஆடு, மாடு களுக்கான தீவனப் பயிர்களை மட்டுமே விவசாயம் செய்து வந்தனர்.