யார் இந்த ஷமர் ஜோசப்

சர்வதேச கிரிக்கெட்டில் ஹீரோவாக மாறியிருக்கிறார் வெஸ்ட் இண்டீஸ் அணியின் இளம் வேகப் பந்து வீச்சாளரான ஷமர் ஜோசப். ஆஸ்திரேலியாவுடனான அறிமுகத் தொடரிலேயே மேன் ஆஃப் த சீரிஸ் விருதினைப் பெற்றதால் அவருக்கு இந்தப் புகழாரம் கிடைத்திருக்கிறது.

- பேராச்சி கண்ணன்

 இத்தனைக்கும் கடந்த 2023ம் ஆண்டுதான் முதல்தர கிரிக்கெட் போட்டிக்குள்ளேயே வந்தார் ஷமர். இத்தனை சீக்கிரத்தில் அவரின் வளர்ச்சி அனைவரையும் வியக்க வைத்துள்ளது. இந்த ஆண்டின் தொடக்கத்தில் வெஸ்ட் இண்டீஸ் கிரிக்கெட் அணி, இரண்டு டெஸ்ட், மூன்று ஒருநாள் மற்றும் மூன்று டி20 போட்டிகள் விளையாட ஆஸ்திரேலியாவுக்கு சுற்றுப் பயணம் மேற்கொண்டது. இதில் டெஸ்ட் போட்டிக்கான அணியில் இடம்பிடித்தார் வெஸ்ட் இண்டீஸின் ஷமர் ஜோசப்.

முதல் போட்டியில் முதலில் பேட் செய்த வெஸ்ட் இண்டீஸ் அணி 133 ரன்களுக்கு ஒன்பது விக்கெட்டுகளை இழந்து தவித்தது. அப்போது 11வது வீரராக களம் இறங்கிய ஷமர், 41 பந்துகளுக்கு 36 ரன்கள் எடுத்து அணியின் ஸ்கோரை உயர்த்தி கௌரவப்படுத்தினார். அத்துடன் ஐந்து விக்கெட்டுகளும் வீழ்த்தினார். இதிலும் அவரின் முதல் ஓவரின் முதல் பந்திலேயே ஆஸ்திரேலியாவின் தொடக்க வீரர் ஸ்மித்தை ஆட்டமிழக்கச் செய்தார்.