சுரேஷ் கோபியின் உள்ளே வெளியே விளையாட்டு!

ஆமாம். இந்தக் கட்டுரையை நீங்கள் படிக்கும்போது மலையாள நடிகர் சுரேஷ் கோபி மத்திய அமைச்சராக... ஒன்றிய இணையமைச்சராக... அல்லது ஏதோ ஒன்று... மொத்தத்தில் அமைச்சராக இருக்கிறாரா... அல்லது எம்பி பதவியே போதும் என பேட்டி கொடுத்துக் கொண்டிருக்கிறாரா..?தெரியவில்லை அல்லவா? அதுதான் சுரேஷ் கோபி.

- என்.ஆனந்தி

ஆம். சுரேஷ்கோபி என்றாலே குழப்பம்தான். ஆனால், மீடியாக்களின் பசிக்கு போதும் போதும் என்ற அளவுக்கு நன்கு தீனி போடுவார்.

அமைச்சராக பதவியேற்ற 12 மணிநேரங்களுக்குப் பிறகு, ‘சினிமாவில் நடிக்கப் போகிறேன், அமைச்சராக நாலு சுவர்களுக்குள் முடங்க விரும்பவில்லை, எம்பியாக கேரளாவை முன்னேற்றுவேன்...’ என்று பேட்டி கொடுத்தார்.

பிறகு ஐந்து மணி நேரங்களில் பல்டி அடித்து, ‘அதுபோல வெளியான தகவல் தவறு, நான் அமைச்சராகவே தொடர்கிறேன்...’ என்றார்.

இந்த உள்ளே வெளியே விளையாட்டில் சுரேஷ் கோபி ஸ்பெஷலிஸ்ட்!

இப்போது பாஜகவின் கேரள முகமாக அறியப்படும் சுரேஷ்கோபி, அடிப்படையில் கம்யூனிஸ்ட். மாணவப் பருவத்தில் மார்க்சிஸ்ட் கம்யூனிஸ்ட் இயக்கத்தின் மாணவர் அமைப்பில் உறுப்பினராக இருந்தார்.

அதிக ஆண்டுகள் நீடிக்கவில்லை. ஒரு சுபயோக சுபமுகூர்த்தத்தில் அப்படியே தலைகீழாக காங்கிரஸில் சேர்ந்தார்.

இப்படி பல்வேறு கூத்துகளை இதுவரை அரங்கேற்றியிருக்கிறார். உதாரணமாக ஒரு தேர்தலில் அவர் அடித்த கும்மிக்கு கேரளாவே கதறியது.

யெஸ். ஒரு தொகுதியில் கம்யூனிஸ்ட் வேட்பாளரையும், இன்னொரு தொகுதியில் காங்கிரஸ் வேட்பாளரையும் ஆதரித்து பிரசாரம் செய்தார். மீடியா விழி பிதுங்கி என்ன ‘அனாலிசிஸ்’ செய்வது என்று தெரியாமல் தலையில் கைவைத்து அமர்ந்தது.