ഒരു ഒറിജിനൽ പാൻ സൗത്ത് ഇന്ത്യൻ

മലയാളവുമായിട്ടുള്ള എന്റെ ബന്ധം ഭാര്യ തന്നെയാണ്.

- അനീഷ് മോഹനചന്ദ്രൻ

ബോബി സിൻഹ ആകെ സന്തോഷത്തിലാണ്. എങ്ങനെ സന്തോഷിക്കാതിരിക്കും? ഒന്നിന് പിറകേ ഒന്നായി ബ്ലോക് ബസ്റ്റർ ചിത്രങ്ങൾ അദ്ദേഹത്തെ തേടിവരികയാണ്. അതിൽ പലതും പാൻ ഇന്ത്യൻ തലത്തിൽ ശ്രദ്ധ നേടിക്കഴിഞ്ഞവയാണ്. ഒപ്പം അഭിനയിക്കുന്ന വരുടെ കാര്യമാണെങ്കിൽ പറയുകയും വേണ്ട. ഉലക നായകൻ കമൽഹാസൻ മുതൽ തെലുങ്കിലെ പ്രിയ താരം പ്രഭാസ്(ബാഹുബലി) വരെ നീളുന്ന സൂപ്പർ താരങ്ങൾക്കൊപ്പമാണ് അദ്ദേഹം ഇപ്പോൾ തിരശ്ശീല പങ്കിട്ടുകൊണ്ടിരിക്കുന്നത്. തേടിവരുന്ന വേഷങ്ങളാകട്ടെ ഒന്നിനൊന്ന് മെച്ചവും. തിരക്കുപിടിച്ച സിനിമാ ഷൂട്ടിംഗിന് ഇടയ്ക്ക് വീണുകിട്ടിയ ഇടവേളയിലാണ് അദ്ദേഹം കൊടൈക്കനാലിൽ എത്തിയത്. കുടുംബത്തോടൊപ്പം ഒരു ചെറിയ ചിൽഔട്ടാണ് ലക്ഷ്യം. അവധിദിവസത്തെ ഹാംഗ് ഓവറിനിടയിൽ അദ്ദേഹം നാനയുമായി തന്റെ പുതിയ സിനിമാവിശേഷങ്ങൾ പങ്കുവ യ്ക്കുന്നു.

ബോബി ആകെ സന്തോഷത്തിലാണല്ലോ?

ഉറപ്പായും. കൊടയിൽ എത്തിയാൽ പിന്നെ സന്തോഷിക്കാതിരിക്കുന്നതെങ്ങനെ? ഇത് എന്റെ സ്വന്തം നാടല്ലേ. 

പക്ഷേ താങ്കൾ ആന്ധ്രാപ്ദേശ് നിന്നല്ലേ വരുന്നത്?

ബെയ്സിക്കലി ഞാൻ ആന്ധ്രാക്കാരനാണ്. പക്ഷേ വളരെ ചെറുപ്പത്തിലേ ഞങ്ങൾ കൊടൈക്കനാലിലേക്ക് കുടിയേറിയവരാണ്. ഞാൻ പഠിച്ചതും വളർന്നതുമൊക്കെ ഇവിടെയല്ല. ഇതെന്റെ ഹോം ടൗൺ ആണി പ്പോൾ. സിനിമയുടെ തിരക്കുകൾ കാരണം ഇപ്പോൾ ചെന്നൈയിൽ സെറ്റിൽ ആയിരിക്കുന്നു എന്നുമാത്രം.

സിനിമയിൽ എന്തുണ്ട് പുതിയ വിശേഷങ്ങൾ?