ഹൃദയം കൊണ്ടെഴുതിയ കവിത

ഓടിപ്പോകുന്ന വസന്തകാലത്തെ പിടിച്ചുനിർത്താൻ പരിശ്രമിച്ച കൂട്ടുകാരാണ് തമ്പിസാറും അർജുനൻ മാഷും

- ജയരാജ് വാര്യർ

ശ്രീകുമാരൻ തമ്പിസാറിന്റെ പൊന്നും തേനും ചേർത്ത് വിളമ്പിയ പാട്ടുകളിലെ വറ്റാത്ത പ്രണയവും കൊടിയ വിരഹദുഃഖവും ഭക്തിരസവും തത്ത്വചിന്ത യും വർഷങ്ങളായി വീണ്ടും വീണ്ടും കേട്ടുകൊണ്ടിരിക്കുന്ന അനേകം ശ്രോതാക്കളിലൊരുവനാണ് ഞാൻ. ഹൃദ യംകൊണ്ടെഴുതിയ ശ്രീത്വമുള്ള ഗാന ങ്ങൾ. നമ്മെ വീണ്ടും വീണ്ടും ചെറുപ്പമാ ക്കുന്ന മികച്ച രചനകൾ. അവയിൽ അദ്ദേഹം അറുപതുകളിലും എഴുപതുകളിലും എഴുതിയ ഹൃദയഗീതങ്ങളോടാണ് എനിക്കേറെ പ്രിയവും ആരാധനയും.

തമ്പിസാറിന്റെ പാട്ടുകളിലെ പല്ലവികൾ പാടാനും സാഹിത്യഭംഗി നിറഞ്ഞ കവിതയെ അവതരിപ്പിക്കാനും അതുവഴി പ്രേക്ഷകരെ ഓർമകളിലേക്ക് കൊണ്ടുപോകാനുമാണ് എനിക്കേറെ യിഷ്ടം. ഒട്ടനവധി അരങ്ങുകളിൽ ഞാൻ അവതാരകനായി പ്രത്യക്ഷപ്പെടാറുമുണ്ട്; തമ്പിസാറിന്റെ സാന്നിധ്യത്തിലും അസാന്നിധ്യത്തിലും.

ആദ്യചിത്രമായ 'കാട്ടുമല്ലിക’ (1966) യിൽ എഴുതിയ പാട്ടുകളിൽ എനിക്കേറെ അടുപ്പം 'താമരത്തോണിയിൽ താലോലമാടി താനേ തുഴഞ്ഞുവരും പെണ്ണ (സംഗീതം: എം.എസ്. ബാബുരാജ്) എന്ന പാട്ടിനോടാണ്.

കവിതയെ പാട്ടാക്കുന്ന തമ്പിസാറിന്റെ ഭാഷേന്ദ്രജാലം അദ്ദേഹത്തെ മികച്ച ഗാനരചയിതാവാക്കിമാറ്റിയത് ചരിത്രം. രണ്ടാമത്തെ ചിത്രമായ പ്രിയതമയിലും (സംഗീതം: ബ്രദർ ലക്ഷ്മൺ) ഗാനരചനയുടെ കാവ്യദേവകുമാരനായിമാറി തമ്പിസാർ.

“കരളിൻ വാതിലിൽ മുട്ടിവിളിക്കും...

കാവ്യദേവകുമാരീ...

കണ്ണിൽ നാണക്കതിരുകൾ ചൂടി കടന്നിരിക്കൂ... നീ..

എന്ന ഗാനത്തിൽ കാവ്യദേവകുമാരി യുടെ ആരാധകനായ കവിയെ നമുക്ക് കാണാം.

“മുത്തേ... നമ്മുടെ മുറ്റത്തും മുത്തുക്കുടയുയർന്നല്ലോ... ഓണം വന്നൂ...

ഓണം വന്നു നമ്മുടെ വീട്ടിൽ

ഓണപ്പൂക്കൾ വിരിഞ്ഞല്ലോ...

എന്നൊരു ഓണപ്പാട്ടും പ്രിയതമയിൽ പിറവികൊണ്ടു.

ആദ്യത്തെ രണ്ട് ചിത്രങ്ങളിലെ മറ്റ് പാട്ടുകളും മനോഹരങ്ങളായിരുന്നു. എം.എസ്. ബാബുരാജും ബ്രദർ ലക്ഷ്മണും ശേഷം ചിത്രമേള' എന്ന ചിത്രത്തിലെ ഗാനങ്ങൾ പുറത്തിറങ്ങിയതോടെ തമ്പിസാർ തന്റെ മുൻഗാമികൾക്കൊപ്പം ഗാനകലയിൽ മുൻനിരയിൽ തന്നെ കസേര വലിച്ചിട്ട് ഇരുന്നു.