ലഞ്ച് ബോക്സിൽ റൈസ് രുചികൾ

വിദ്യാലയങ്ങൾ തുറന്നു. കുട്ടികൾക്കായി എളുപ്പം തയാറാക്കാവുന്ന ഉച്ചഭക്ഷണം

- തങ്കം

ഈസി എഗ് റൈസ്

ചേരുവകൾ

സ്പ്രിങ് അണിയൻ-1-2 തണ്ട് 
മുട്ട - 4 
ബസ്മതി അരി വേവിച്ചത് (ബാക്കി വന്നതും ഉപയോഗിക്കാം) - 3-4 കപ്പ്
എണ്ണ 2- 3 വലിയ സ്പൂൺ
ഉപ്പ് - പാകത്തിന്

പാകം ചെയ്യുന്ന വിധം

സ്പ്രിങ് അണിയൻ കഴുകി വൃത്തിയാക്കി, പച്ച ഭാഗം മാത്രം പൊടിയായി അരിഞ്ഞു വയ്ക്കണം. മുട്ട ഒരു ബൗളിലാക്കി നന്നായി അടിച്ചു വയ്ക്ക.

ചുവടു കട്ടിയുള്ള പാത്രത്തിൽ അൽപം എണ്ണ പുരട്ടിയ ശേഷം ചോറിട്ടു മെല്ലെ ഇളക്കുക. വെള്ളം മുഴുവൻ വലിയണം.

ചോറ് ഒരു വശത്തേക്കു നീക്കി, അതേ പാനിൽ അല്പം എണ്ണ ഒഴിച്ചു ചൂടാകുമ്പോൾ മുട്ട അടിച്ചതു ചേർക്കുക.

ഇതിലേക്കു ചോറും തട്ടിയിട്ടു മുട്ട ചോറിൽ പുരളും വരെ ഇളക്കി യോജിപ്പിക്കണം. പാകത്തിന് ഉപ്പും ചേർത്ത് ഇടയ്ക്കിടെ ഇളക്കി കൊടുക്കണം. ഇതിലേക്കു സ്പ്രിങ് അണിയന്റെ പകുതിയും ചേർത്തിളക്കിയ ശേഷം വിളമ്പാനുള്ള ബൗളിലാക്കുക.